سه‌رۆك وه‌زیرێ هه‌رێما باشوورێ كوردستانێ ئیرۆ په‌یامه‌ك وه‌شاند و تێده ئه‌رێ كرنا پرۆژه‌یا ریفۆرمێ ژ ئالیێ پارلمه‌نتۆیا كوردستانێ ڤه ب ده‌ستكه‌فت ب ناڤ كر و گۆت كو ئه‌ڤ ئه‌رێ كرن ب هه‌نگاڤه‌كه دیرۆكێ ژ بۆ كوردستانه‌كه ب هێز تێ هه‌ساب كرن.
ئه‌ڤ ژی ته‌كستا وێ په‌یامێ یه:
دەستخوەشیێ ل پارلمه‌نتۆیا کوردستانێ دکم ژ بۆ ئه‌رێكرنا پرۆژەیاسایا ریفۆرمێ، ئەڤ هه‌نگاڤەکا دیرۆکی یە بەر ب کوردستانەکا بھێزتر، ئەڤ پرۆژە پشکەکە گرنگە ژ کارنامەیا کابینەیا نەھەم یا ھکوومەتا ھەرێما کوردستانێ بوو ژ بۆ بەرسڤ دایینا خوازسته و داخوازیێن ھەموەلاتییێن ھەرێما کوردستانێ ژ بۆ ئەنجامدایینا چاکسازیێ، ئارمانج ژی، ژ وێ دوبارە رێکخستنا خەرجیێن گشتی و بجیکرنا دادپەروەریێ ژ بۆ فەرمانبەران و کەسوکارێن سەربلندێن شەھیدان و پێشمەرگەیێن قەھرەمان.
پشتی ئاڤا كرنا کابینەیا نەھەم یا ھکوومەتا ھەرێما کوردستانێ ل تیرمه‌ها سالا رابووری، مە هه‌ر راست کۆمیتەیەک بلند ژی ھکوومەتێ پێكئانی ژ بۆ پێداچوون و بھێزکرنا رەشنڤیسا پرۆژەیاسایا ریفۆرمێ.
هه‌مولاتییان دل ته‌نا دکین کو دەقا داوییێ یا وێ یاسایێ، دلتەناھییەکا گرنگ تێدە ھەیە دەربارێ مووچە و ئیمتییازاتێن فەرمانبەران و مووچەداران ب ئاوایەکێ کو کەسێن ھەژی مافێن وان پاراستی بە.
ریفۆرم پرۆسەیەکا بەردەوامە و تەڤاهییا کەرتان ژ خوە رە دگەرە، ئەڤ یاسا ژی گرووڤ و به‌لگه‌یه‌كه زەلال یا دنه ل سەر پابەندبوونا ھکوومەتا ھەرێما کوردستانێ ب سینۆر داركرنا گەندەلیێ و ھەولدان بۆ ژناڤبرنا وێ.
ھەروەھا هه‌نگاڤه‌كه گرنگە ژی، بەر ب ھکوومەتەکا مۆدێرن و روھن و باشتر کرنا خزمەتگوزاریان و خزمەتکرنا هه‌مولاتیێن ھەرێما کوردستانێ بێی جوداھی کو ئارامانجا سەرەکه یا ئەڤێ ھکوومەتێ یه.
