ئه‌ردۆگان دخوازه‌ ئه‌ورۆپا پشتگریا ولاتێ وی ل لیبیایێ بكه‌

ئه‌ردۆگان دخوازه‌ ئه‌ورۆپا پشتگریا ولاتێ وی ل لیبیایێ بكه‌

سه‌رۆك كۆمارێ تركیێ ئیرۆ داخوازا پشتگریا ولاتێن ئه‌ورۆپایێ ژ بۆ لڤینێن تركیێ ل لیبیایێ كر.

ره‌جه‌ب ته‌یب ئه‌ردۆگان سه‌رۆكێ تركیێ ئیرۆ رۆژا شه‌می 18/1/2020ان ئه‌شكه‌ره‌ كر، پێویسته‌ ئه‌ورۆپا پشتگریێ ل لڤینێن ئارته‌شا تركیێ ل ولاتێ لیبیایێ بكه‌، ژ بۆ كو داوی ب ئالۆزیێن ل وی ولاتی وه‌ره‌ كرن.

هه‌ر وها گۆت: تركیێ نها پشتگریا سه‌ربازی ل هكوومه‌تا شه‌رعی یا لیبیایێ دكه‌، ژ بۆ ڤێ ژی، پێویسته‌ ئه‌ورۆپا پشتگریێ ل هه‌ولێن تركیێ بكه‌.

ئه‌ردۆگان ده‌ست نیشان كر، د پلانا ئارته‌شا تركیێ ده‌یه‌، هێزێن ئه‌وله‌كاریا لیبیایێ مه‌شق بده‌ ژ بۆ كو ل سه‌ر ته‌رۆرێ، بازرگانیا ب مرۆڤان زال ببه‌.

هكوومه‌تا تركیێ ل ڤێ داویێ ده‌ست ب پشتگریا سیاسی و سه‌ربازی ژ بۆ هكوومه‌تا فائز سه‌راج كریه‌ و ل دژی فه‌رماندارێ ئارته‌شا نشتیمانی یا لیبیا خه‌لیفه‌ حه‌فته‌ر ته‌ڤ دگه‌ره‌.