ل تل تەمرێ ھێزەکە ئەمەریکی رێ ل بەر ھێزەکە رووسی دگرە

ل تل تەمرێ ھێزەکە ئەمەریکی رێ ل بەر ھێزەکە رووسی دگرە

ھێزێن ئەمەریکی رێ نەدا کاروانەکە پۆلیسێن سەربازی یێن رووسیایێ دەرباسی باژارۆکێ تل تەمرێ ل رۆژئاڤایێ کوردستانێ ببە.

نه‌رینگه‌ها سووریێ یا ژ بۆ مافێن مرۆڤان بەلاڤ کر، دوھ دەما کاروانێ پۆلیسێن سەربازی یێن رووسیایێ کو ژ ئەرەبەیێن سەربازی و زریپۆشان پێک دھات خواستبوو دەرباسی باژارۆکێ تل تەمر ببە، ھێزەکە ئەمەریکی رێ نەدایێ و د ناڤبەرا وان دە ئالۆزی دەرکەت.

نه‌رینگه‌ها سووریێ ژ بۆ مافێن مرۆڤان هەر وها دا زانین ژی، ب ناڤبه‌ینکاریا ھێزێن سووریایا دەمۆکراتیک هه‌سه‌دێ، ھێزا رووسی ڤەکشیا و ڤەگەریا باژارۆکێ ئەین ئیسایێ.

رەوانگەھێ ئاماژە ب وێ یەکێ دا، کو ل رۆژا 14ێ ڤێ مەھێ ژی ھێزەکە ئەمەریکی د ناڤبەرا باژارێ قامشلۆ و ھەسەکێ دە رێ ل پێش ھێزەکە رووسی گرتبوو و ئالۆزی د ناڤبەرا وان دە دەرکەتبوو، لێ پشترە ھێزا رووسی ڤەگەریا.

تێ زانین کو ژبەر هەبوونا گەلەک ھێزێن وەلاتێن جودا ل رۆژھلاتا فراتێ، گەلەک جاران ھێزێن ئامەریکی، رووسی و سووری راستی ھەڤدو تێن، لێ تا نھا تو شەرەک یان پەڤچوونەک د ناڤبەرا وان دە روو نە دایە.