ئەمەریکا ژ جڤاکا ناڤدەولەتی دخوازە حیزب الله لبنانی بکن ناڤا لیستا گرۆپێن تەرۆریستی دە

ئەمەریکا ژ جڤاکا ناڤدەولەتی دخوازە حیزب الله لبنانی بکن ناڤا لیستا گرۆپێن تەرۆریستی دە

مایک پۆمپئۆ وەزیرێ کارێن دەرڤە یێن ئەمەریکایێ، دوهی شەڤ ١٨/١/٢٠٢٠ ژ ولاتێن جیهانێ خواست گرۆپا حیزب الله یا لبنانی بکن ناڤا لیستا گرۆپێن تەرۆریستی دە.

دەولەتا بریتانیا رۆژا ئەینی راگهاند  گرۆپا حیزب الله ب هەردو ئالیێن وێ یێن سیاسی و سەربازی ڤە کریە د ناڤا لیستا خوە یا تایبەت ب گرۆپێن تەرۆریستی ڤە.

پۆمپئۆ کو ب هەلکەفتا پێنجەمین سالڤەگەرا مرنا ب گۆمان و پر نهێنی یا دادوەرێ ئەرژەنتینی یێ بەرپرس ژ مەلەفا ئێریشا تەرۆریستی یا سالا ١٩٩٤ان ل سەر ناڤەندا یەهۆدیان ل (بۆینس ئایرس) کو حیزب الله ب تێکلداری وێ بوویەرا تەرۆریستی سووچدار کربوو، داخوەیانی ددا، ژ هەموو ولاتێن جیهانێ خواست کو ل همبەر کریارێن تەرۆریستی یێن حیزب الله یا لبنانی هەمان پێرابوونێ ئەنجام بدن یاکو دەولەتا بریتانیا ل همبەر حیزب الله یا لبنانی ئەنجام دای.

تێ زانین کو دەولەتا بریتانیا ل رۆژا ئەینی یا رابووری دە د چارچۆڤێ یاسایێن ڤی ولاتی دە ل همبەر تەکۆشینا ل دژی فیناسەکرنا مالی یا تەرۆریزمێ، هەردو ئالیێن سیاسی و سەربازی یێن حیزب الله یا لبنانی وەکە گرۆپێن تەرۆریستی ئیلان کرن.

ل گۆرەی راپۆرەکا رۆیتەرزێ، لەندەن راگهاندیە وێ ممتەلەکاتێن مالی یێن حیزب الله ل ڤی ولاتی وەرن بلۆک کرن.

تێ زانین کو پێش نها ل سالا ٢٠٠٨ان دە بریتانیا ب تەنێ ممتەلەکاتێن مالی یێن شاخا سیاسی یا حیزب الله یا لبنانی بلۆک کربوون.