ب ڤی ده‌ست و داری شاسوار دێ ب تنێ مینیت

ب ڤی ده‌ست و داری شاسوار دێ ب تنێ مینیت

جودابوونەکا دی د فراکسیۆنا نەوەی نوێ دا ل پارلمه‌نا کوردستانێ چێبوو

په‌رله‌مانتارێن هەری دیار یێن فراکسیۆنا نەوەی نوێ «سیروان بابان، مەم بورهان قانع و دیاری ئەنوەر» دناڤا ڤێ بزاڤا سیاسی یا کو شاسوار عه‌بدولواحدێ خودانێ کۆمپانیایا «نالیا» سەرۆکاتیا وێ دکەت، جودابوونا خوە ب ئاوایه‌كێ فەرمی راگهاند و دانه‌ زانین کو ئەو دێ وەکە پارلەمه‌نتەرێن سەربخۆ د ناڤا پارلمه‌نا کوردستانێ دا به‌رده‌وامیێ كه‌ن.

پشتی کو ئه‌ڤرۆ سەرۆکێ ته‌ڤگه‌را «نەوەی نوێ» هۆشداری دایە 3 پارلەمەنته‌رێن فراکسیۆنا خوە کو ئەگەر فۆرما رەتکرنا مووچەیێ خانەنشینی یا پارلەمه‌نتاریێ د دەما 48 دەمژمێران دا پڕ نەکن، دێ ژ ناڤا رێزێن فراکسیۆنێ هێن دەرکرن، وان 3 پارلەمه‌نتاران داخوەیانیەک فەرمی بەلاڤکر و راگهاندن ئه‌و به‌ری چەندین مەهان ژ ڤێ بزاڤێ ڤەقەتیاینە، ژبەرکو ئەڤ بزاڤە ل سه‌ر رێیا شاش دچیت.

هەر یەک ژ «دیاری ئەنوەر، سیروان بابان و مەم بورهان قانع» کو بەری نها د ناڤا فراکسیۆنا ڤەلڤینا نەوەی نوێ دا بوون، ئه‌ڤرۆ رۆژا دوشه‌مبێ 20/1/2020ێ داخویانیەک دا و تێدا ئاماژە ب ڤێ یەکێ دا کو ئەو ب هەموو شێوەیان مووچەیێ خانەنشینیا پارلەمەنتاریێ رەت دکن و ئاشكرا ژی کرن وان به‌ری چەند مەهان ژبەر شاش برێڤەبرنا فراکسیۆن و ڤەلڤینا نەوەی نوێ ژ ئالیێ سەرۆکێ وێ ڤە، چ پەیوەندیا وان ب فراکسیۆنا نەوەی نوێ ڤە نەمایە.

هه‌ر وها ئاماژه‌ كرن، ژبەر ڤێ یەکێ هەر نها ئه‌و ب فەرمی جودابوونا خوە ژ ڤێ ڤەلڤینێ و فراکسیۆنێ رادگهینین و وەک پارله‌مه‌نته‌رێن سەربخۆ دێ د ناڤا پارلمه‌نا کوردستانێ دا به‌رده‌وام بن.

د بەشەکێ دی یێ داخویانیا خوە دا، پارلمه‌نته‌رێن جودابوویی ئاشکرا کرینە کو  وان پارێ گەل نەخواریە و پارێ هکوومەتێ ژی ل جەم وان نیە، بەلکو پارێن مە ژی ل جەم هکوومەتێ نە و موزایەدەیان ژی ل سەر دەنگدەرێن خوە و هەڤ پیشەیێن خوە و گەلێ غەدر لێ کریێ کوردستانێ ناکه‌ین، و سۆزێ دده‌ین هه‌رده‌م ل سەنگەرێن بەرەڤانیکرنێ بین ژ ماف و داخوازیێن رەوا یێن دەنگدەران و خەلکێ جوامێرێ کوردستانێ.

ل 16ی ڤێ مه‌هێ ژی، پارلمه‌نته‌ره‌كا دی یا فراكسیۆنا نه‌وه‌ی نوێ ب ناڤێ شادی نه‌وزاد رێزێن وێ فراكسیۆنێ ب جهـ هێلان و راگهاند كو شاسوار عه‌بدولواحد شێت بوویه‌.

شادی نه‌وزاد ب سه‌ده‌ما ده‌نگدانێ ل سه‌ر پرۆژه‌یاسایا چاكسازیێ، فراكسیۆنا وێ یا نه‌وه‌ی نوێ ل پارلمه‌نا كوردستانێ، ئه‌و ژ ناڤ رێزێن خوه‌ ده‌رخست، لێ به‌لێ پارلمه‌نته‌ر شادی نه‌وزاد پاش ئاشكرا كر، وێ فراكسیۆن ب جهـ هێلایه‌ و ئێدی ناخوازیت‌ ل گه‌ل وان بیت.