ئاژانسا سانا یا سەر ب ھکوومەتا سووریێ رادگھینە، ئارتێشا ترکیێ ١٥٠٠ کەس ژ مالباتێن گرووپێن چەکداران ل دو تاخێن سەرێ کانیێ بجھ کرنە.
ئاژاسا “سانا”ا سووری بەلاڤ کر، ئارتێشا ترکیێ ل سەر بجھکرنا مالباتێن چەکدارێن دوڤەلانکێن خوە ل سەرێ کانیێ بەردەوامە و د دەما داوی دە ١٥٠٠ کەس ل ھەر دو تاخێن خەربات و ھەوارنێیێن وی باژاری بجھ کرنە.
هەر ل گۆر زانیاریێن وێ ئاژانسێ، کو ب ئاژانسا فەرمی یا سووریێ تێ ناسین، ل سەر بجھکرنا مالباتان و پارڤەکرنا مالان، پەڤچوون د ناڤبەرا گرووپێن چەکدار دە دەرکەتیە و رەوش ئالۆز بوویە.
ئەو ئاژانس ئارتێشا ترکیێ تۆمەتبار دکە، کو ژ مەھا جۆتمەھا ٢٠١٩ان ڤە، کریارێن خراپ ب سەرێ خەلکێ ھەرێمێن داگیرکری دئینە، تا وان نەچار بکە کو کۆچبەر ببن و پاشان بکارە مالباتێن چەکدارێن تەرۆریست ل شوونا وان بجھ بکە و پلانا گوھارتنا دەمۆگرافی یا وێ ناڤچەیێ دکە.
ژ ئالیێ خوە ڤە، پارتی و رێخستنێن کوردییێن رۆژاڤایێ کوردستانێ ژی هەر دگەل ئێریشا داگیرکاریا ترکیێ لسەر رۆژئاڤا کوردستانێ راگهاند کو ترکیێ دخوازە دەمۆگرافیا رۆژئاڤا کوردستانێ بگوهەرە و ناسنامەیا وان ئا کوردی تێک بدە.
