چینێ سەرۆکێ بەرێ یێ ئینتەرپۆلێ 13 سالان حوكم كر

چینێ سەرۆکێ بەرێ یێ ئینتەرپۆلێ 13 سالان حوكم كر

سه‌رۆكێ چینێ هه‌وه‌كا‌ بێ ره‌حمانه‌ ل دژی گه‌نده‌لان ده‌ستپێكریه‌

دادگەها چینێ مەنگ هۆنگۆی، سەرۆکێ بەرێ یێ پۆلیسێن ناڤدەولەتی ئینتەرپۆلێ کو ب وەرگرتنا بەرتیلان هاتبوو تاوانبار کرن، ئیرۆ رۆژا سێشەمبێ 21/1/2020ێ ب 13 سال و نیڤێن زیندانکرنێحوكم کر.

مەنگ هۆنگۆی کو یەکەم سەرۆکێ چینی یێ ئینتەرپۆلێ بوو، ل دەما گەشتکرنا وی دا ژ فرەنسایێ بۆ چینێ ل مەها سێپتامبه‌را 2018ێبه‌رزه‌ ببوو، ئەو به‌ری کو ببیته‌ سەرۆکێ ئینتەرپۆلێ، جێگرێ وەزارەتا ئەولەهیا گشتی بوو ل چینێ بوو.

پاش ڤێ یەکێ چینێ تەکەز کر کو مەنگ هۆنگۆی د چارچووڤێ بەرنامەیا شی جین پینگ، سەرۆک کۆمارێ وی ولاتی ژ بۆ بەهنگاربوونا گەندەلیێ هاتیە دەستەسەرکرن.

مەنگ هۆنگۆ ل دادگەهێ دانپێدان کر کو وی پێتری 2 ملیۆن دۆلاران بەرتیل وەرگرتینە، دادگەها چینێ ژ بلی کو بریار لسەر زیندانکرنا ناڤبری بۆ دەما 13سال و نیڤان دای، هەر وها بریار دایە کو ئەو 2 ملیۆن یوانان وەک سزا بدەت حكومه‌تێ.

بریار بوو مەنگ هه‌تا سالا 2020ێ وەک سەرۆکێ ئینتەرپۆلێ کار بکەت، لێ بەلێ ڤێ سازیێ راگهاند مەنگ چەند رۆژان پشتی کو هەڤژینا وی راگهاندی ئەو به‌رزه‌ بوویە، دەست ژ کارێ خوە ڤه‌كێشابوو.

پارتیا کۆمۆنیست راگهاندیە کو مەنگ پێگەها خوە ژ بۆ بەرژەوەندیێن کەسۆکی بکار ئینایه‌ و شێوازەکێ پر عەجێب یێ ژیانێ ژ بۆ مالباتا خوە ژ بودجەیا دەولەتێ درست کریە و پرەنسیبێن پارتیا کۆمۆنیست بن پێ کرینە.

هه‌تا نها ملیۆن به‌رپرسێن گه‌نده‌ل سزاداینه‌

شی جین پینگ، سەرۆک کۆمارێ چینێ، هەوەکابەرفرەهـو بێ رەحمانە ل دژی گەندەلیا کارگێری دەست پێ کریە و د ڤێ زەمینێ دە پێتری 1 ملیۆن کەسان ژ بەرپرسێن چینێ هاتینە سزادان.

 دژبەرێن شی جین پینگ دبێژن: ئەڤ هەوە ب مەرەما ڤەمراندنا هنەک ژ هەڤرکێن سیاسی یێن وی هاتیە بكارئینان.