ل باژارێ ئیزمیرێ ١٢ ئەندام و رێڤەبرێن خوەجھ یێن پارتیا دەمۆکراتیکا گەلان (هەدەپێ) ژ ئالیێ هێزێن ئەولەهیێ ھاتن دەستسەرکرن.
د چارچۆڤەیا لێپرسنا سەردۆزگەریا کۆمارێیا ئیزمیرێ دە، ل ئەسکشەھر، کۆنیا و مێردینێ دەربارێ چەند ئەندام و رێڤەبەرێن هەدەپێ دە بریارا دەستەسەرکرنێ ھات دایین.
د بەردەوەمیا گڤاشێن دەولەتا ترکیێ بۆ سەر ئەندام و ئالیگرێن هەدەپێ ب تومەتا پالپشتیکرن و ئەندام بوونا د ناڤا رێخستنێن پەکەکێ دە، ل باژارێ ئیزمیرێ پۆلیسان ب سەر ھەژمارەکە مالان دە گرت.
ھەڤسەرۆکا رێخستنا ھەدەپێ یا ناڤچەیا کۆناکێ ھایات ئیزگی، و رێڤەبەرێن رێخستنا ھەدەپێ یا ئیزمیرێ رامازان ئەفەندۆگوڵاری و موستافا کۆیونجو ژی د ناڤ وان ١٢ کەساندانە یێن کو ژ ئالیێ پۆلیسان ڤە هاتیە دەستەسەرکرن.
ناڤێ کەسێن ھاتنە گرتن وھایە: ھایات ئیزگی، رامازان ئەفەندۆگوڵار، موستافا کۆیونجو، یاھیا کەزەر، کەمال ئاسلان، نەزر ئاراس، ھامیت سار، گولسەڤەن تورگال، سالھ ھولدور، سولتان دەمرۆگلو، یاشار سزجی، مەھمەت دەگرمەن.
دەربارێ کەسێن لی ئەسکشەھر، کۆنیا و مێردنێ دە ھاتنە دەستەسەرکرن ئاگاھیێن زەلال نەھاتنە بدەستخستن.
دەربارێ دەستەسەرکرنا دە رێخستنا ھەدەپێ یا ئیزمیرێ ب داخویانیەکە نڤیسکی راگھاند کو دەستھلاتداریا ئاک پارتی ل دژی پارتیا وان ئێرشەکە گشتی دایە دەستپێکرن، ھەروھا رێخستنا ھەدەپێ یا ئیزمیرێ خوەست کو ئەندام و رێڤەبرێن وان یێن کو ھاتیە گرتن دەملدەست وەرن سەربەست بەردان.
