ناکۆکیێن دناڤبەرا هێزێن ئەمەریکا و رووسیایێ ل باکورێ سووریێ بەردەوام دکن و د ڤێ چارچۆڤێ دە جارەکە دن گرژی و ئالۆزی دناڤبەرا وان دە دەرکەتن هۆلێ.
نێرینگەها سووری ژ بۆ مافێن مرۆڤان، د نووچەیەکێ خوە دە ئەشکەرە کر کو هێزەکە ئەمەریکی لسەر رێیا لەزگین ئا ئێم فۆر هاتینە بجیکرن داکو رێیێ ل همبەر لڤینێن هێزێن رووسیا دناڤبەرا گوندەکێ ناڤچەیا عامودێ و حەسەکێ دە بگرن.
دوهی ژی هێزێن ئەمەریکایێ رێگری ل کاروانەکێ دن ئێ هێزێن رووسیا ل نێزیکی گوندێ ئەلمالیکیە کر. ئەڤ هێزا رووسی پشتی کو رێگری لێ هاتی کرن ڤەگەران جیهێن خوە ل بنگەها ئاسیمانی یا قامیشلی پشتی کو هێزێن ئەمەریکی رێ پێ نەدای بچن خالا سینۆری یا سێمالکا یاکو دکەڤە دناڤبەرا باشوور و رۆژئاڤا کوردستانێ.
تێ زانین پاش تێکچوونا رەوشا سووریێ، ئەمەریکا چەندین جاران ب رێیا دەریێ سینۆری یێ سێمالکا، ئالیکاری گهاندینە دەست هێزێن سووریا دەمۆکراتیک (هەسەدێ).
