بارزانی ل گه‌ل وه‌زیرێ به‌رگرییا ئیراقێ جڤییا

بارزانی ل گه‌ل وه‌زیرێ به‌رگرییا ئیراقێ جڤییا

سه‌رۆكێ پارتییا ده‌مۆكرات یا كوردستانێ ئه‌ڤرۆ ل گه‌ل وه‌زیرێ به‌رگرییا ئیراقێ جڤییا و پێشهاتێن داویێ یێن ئیراقێ و ناڤچه‌یێ گۆتوبێژ كرن.

مه‌سعوود بارزانی سه‌رۆكێ پارتییا ده‌مۆكرات یا كوردستانێ ئه‌ڤرۆ رۆژا شه‌مبی 25/1/2020ێ پێشوازی ل نه‌جاح ئه‌ل شه‌مه‌ری وه‌زیرێ به‌رگرییا ئیراقێ و شاندێ پێره‌ كر و د هه‌ڤدیتنێ دا، ره‌وشا ئیراقێ و بارێ ئێمناهیێ و هه‌نگاڤێن به‌رهنگاربوونا ته‌رۆرێ گۆتوبێژ كرن.

هه‌ر د وێ هه‌ڤدیتنێ دا، ره‌وشا سیاسی، ئه‌منی و پێشهاتێن داویێ یێن ئیراقێ هاتن نرخاندن و ھەر وھا ھەر دوو ئالی دلگرانیا خوە یا ژ سەرھلدان و بھێزبوونا تەرۆرێ خستەروو.

بارزانی و وه‌زیرێ به‌رگرییا ئیراقێ ب پێویست ژی زانین كو دەرباس کرن و کارکرنا ل سەر بابەتێن گرینگ و ستراتەژی یێن ئیراقێ ل گۆر ھەڤپەیمانیا نشتمانی بیت.