رێخستنا لێبۆرینا ناڤنەتەویی رادگه‌هینیت، گرتن و ترساندنا خوه‌پێشانده‌رێن ئیراقێ پرسه‌كه به‌رده‌وامه.
رێخستنا لێبۆرینێ یا ناڤنەتەویی «ئامنەستی ئنتەرناشیۆنال» ب داخویانیەکێ دیار کر کو دگه‌ل به‌رده‌وامییا خوەپێشاندانێن ئیراقێ، گرتن و ترساندن و زۆریا سەر خوه‌پێشانده‌ران ژی به‌رده‌وامه.
دا زانین ژی کو ھەیا نھا 600 کەس د خوەپێشاندانان دا ھاتنە کوشتن.
رێخستنا ئامنەستی ئنتەرناتۆنال راپۆرتەک ل سەر رەوشا خوەپێشاندانێن ل ئیراقێ بەلاڤ کر و د راپۆرتێ دا تێ گۆتن ژ رۆژا دەستپێکێ یا خوەپێشاندانێن ئیراقێ دا هه‌تا نھا 600 کەس ھاتنە کوشتن، تەنێ د حه‌فتییا رابووری دا 12 بوویەرێن کوشتنێ چێبووینە.
ئامنستی ده‌ست نیشان كر، هێزێن ئێمناهیێ ب ئاوایەکێ راستە راست به‌رداینه خوه‌پێشانده‌ران و ل دژی خوه‌پێشانده‌ران بۆمبەیێن گازێ ب کار د ئینن.
هه‌ر وها ھێزێن ئه‌وله‌هیێ ل دژی خوەپێشاندانێن ئاشتییانە توند و تیژیێ ب كار دئینن ب تایبەت ل بەغدایێ و باشوورێ ئیراقێ.
ل گۆر راپۆرتا ئامنستیێ، هه‌تا نها ژی خوه‌پێشانده‌ر دهێنه گرتن و ترساندن.
د ناڤبەرا 20 حه‌تا 22 ڤێ مه‌هێ دا 12 خوه‌پێشانده‌ر ل بەغدا، بەسرا، کەربەلا و دیالایێ ھاتنە کوشتن، ب دەھان کەس ژی ھاتنە بن چاڤ کرن، ئه‌شکەنجە ل گەلەک کەسێن ھاتین بن چاڤ کرن دهێته كرن.
