نەرینگەها مافێن مرۆڤان ل سووریێ ئێڤارا دوهی ٢٦/١/٢٠٢٠ان راگهاند هێزێن ئارتەشا ئەسەد د دەما ٤٨ دەمژمێران دە ژ بلی پێشڤەچوون و کۆنترۆلکرنا ٨ گوندان ل سینۆرێ باژارێ ئیدلبێ ل باکورێ رۆژئاڤایێ سووریێ یی پێشڤەچوون دەست خوە ڤە ئانینە.
ڤێ سازیا مافێن مرۆڤان ل سووریێ تەکەز کر، هێزێن سووریێ و چەکدارێن ئالیگرێ رەژیما ئەسەد گهشتینە رێیا ناڤدەولەتی یا “حەلەب-دیمەشق” کو ب M5 بەرنیاسە، و رێیا پەیوەندیێ ل باکورێ ناڤچەیا “معرە النعمان” گرتیە.
د ڤان پێشڤەچوونان دە هێزێن رەژیما سووریێ نێزێ باژارێ ستراتیژی یێ معرە النعمان دویەمین باژارا مەزن ئێ ئەدلیبێ بوونە. باژارێ معرە النعمان، باژرەک ستاریژیکە ب تایبەتی کو دکەڤە ل سەر رێیا لەزگین یا ناڤدەولەتی یا پێکڤەگرێدانا دناڤبەرا حەلەب و دیمەشقا پایتەخت.
هێزێن رەژیما سووریێ ژ ئالیێ باکور و رۆژئاڤا باژارێ معرە النعمان خستیە ژێر ئاگربارانێن خوە و د پەڤچوونێن گران دە دگەل گرۆپێن چەکدار یێن دژبەرێن خوە ئێڤارا رۆژا یەکشەمی کارینە باژارێ معرشۆرین بخن ژێر رکێفا خوە.
هێزێن رەژیما ئەسەد هەر وەها ٨ باژار ل سینۆرێ ئیدلبێ د کێمترین ژ ٤٨ دەمژمێران دە کۆنترۆل کرینە کو پێک دهێن ژ ڤان باژاران: تلمنس، معرشمشە، الدیر الشرقی، الدیر الغربی، معرشمارین، معراتە، الغزفە و معرشورین و ژ بلی ڤان باژاران هنەک ناڤچەیێن دن ژی کۆنترۆل کرینە.
