كۆمارا ئیسلامی یا ئیرانێ ئیرۆ كوشتنا «مایكل داندریا» ئه‌فسه‌رێ به‌رپرس ژ پلانا كوشتنا فه‌رماندارێ فه‌یله‌قا قودسێ «قاسم سوله‌یمانی»، راگه‌هاند.
كه‌نالێ ده‌وله‌تێ یێ ئیرانێ ئیرۆ رۆژا سێشه‌مبێ 28/1/2020ێ نووچه‌یا كوشتنا ئه‌فسه‌رێ هه‌والگیرییا ناڤه‌ندییا ئه‌مه‌ریكایێ CIA یێ ب ناڤێ «مایكل داندریا» كو ب گۆتنا وێ، ژ پلانا كوشتنا قاسم سوله‌یمانی به‌رپرسیاره، راگه‌هاند.
مایكل داندریا كو ب كۆد ناڤێ «ئایه‌توللا مایك» تێ ناس كرن و ته‌هران وی ب پلاندانه‌رێ كوشتنا قاسم سوله‌یمانی دزانه، دوهـ رۆژا دوشه‌مبێ 27/1/2020ێ ل ئه‌فغانستانێ هاتییه كوشتن، وه‌ختا كو ته‌ڤگه‌را تالیبانێ ئه‌و باله‌فرا كه‌شفێ یا ئه‌مه‌ریكایێ ل رۆژهلاتا ولات خسییه خارێ.
ئیرانێ ده‌ست نیشان كر كو «مایكل داندریا» ژ بلی كوشتنا قاسم سوله‌یمانی، سه‌رپه‌رشتییا كوشتنا «عیماد مه‌غه‌نیه» یه‌ك ژ فه‌رماندارێن هه‌ر به‌رز یێن حزبوللا یا لوبنانی ژی كربوو.
باله‌فره‌كا ئه‌مه‌ریكی یا كه‌شفێ دوهـ رۆژا دوشه‌مبێ ل رۆژهلاتا ئه‌فغانستانێ ژ ئالیێ ته‌ڤگه‌را تالیبانێ هات ئێخستن، ئیرۆ ژی كۆمارا ئیسلامییا ئیرانێ ئه‌شكه‌ره كر كو هه‌موو كه‌سێن د وێ باله‌فرێ دا ئه‌فسه‌رێن هه‌والگیرییا ئه‌مه‌ریكایێ بوون و یه‌ك ژ وان پلاندانه‌رێ كوشتنا قاسم سوله‌یمانی بوو.
ئه‌مه‌ریكایێ ل ده‌ستپێكا ئه‌ڤێ مه‌هێ قاسم سوله‌یمانی فه‌رماندارێ فه‌یله‌قا قودس یا سپایێ پاسداران و ئه‌بو مه‌هدی موهه‌ندس، جێگرێ سه‌رۆكێ ده‌سته‌یا حه‌شدا شه‌عبی ل نێزیكی باله‌فرگه‌ها به‌غدایێ هه‌ده‌ف كرن و هه‌ر راست كوشتن.
