تركیێ گه‌فێن جه‌نگه‌كا دژوار ل سووریێ كرن

تركیێ گه‌فێن دژوار ل سووریێ دكه‌ت

تركیێ ئیرۆ گه‌فێن دژوار ل سووریێ كرن و راگه‌هاند، هه‌ر ئێریشه‌كا هێزێن ئه‌سه‌دی ل سه‌ر خالێن ئارته‌شا تركیێ پێكبینن، دێ به‌رسڤه‌كا هه‌ری دژوار ژ بۆ هه‌بیت.

وه‌زاره‌تا به‌رگرییا تركیێ ئیرۆ رۆژا سێشه‌می 28/1/2020ێ راگه‌هاند، ئه‌و دێ ب دژواری به‌رسڤا هه‌ر ئێریشه‌كا هێزێن به‌شار ئه‌سه‌دی ده‌ت، هه‌گه‌ر نێزی پێگه‌هێن ئارته‌شا تركیێ ل سینۆرێ ئدلبێ ل باكورێ رۆژئاڤا سووریێ بوون.

ئه‌ڤ راگهاندنا تركیێ هه‌موه‌ختا پێشڤه‌چوونا هێزێن به‌شار ل باشوورێ پارێزگه‌ها ئدلبێ تێن كو باژاركێ «مه‌عره‌ت نوعمان» ب ته‌مامی كۆنترۆل كرییه‌ و ژ ده‌ست هێزێن ئۆپۆزسیۆنێ ده‌رخستییه‌.

ئارته‌شا سووریێ ب ئالیكارییا هێزێن رووسیایا فه‌ده‌رال ده‌ما چه‌ندین رۆژانه‌ باشوورێ ئدلبێ دۆرپێچ كرنه‌ و ئیرۆ باژاركێ مه‌عره‌ت نوعمان كۆنترۆل كر و ئه‌ڤ یه‌ك وه‌كه‌ سه‌ركه‌تنه‌كا مه‌زن ژ بۆ خوه‌ ل سه‌ر كیستێ چه‌كدارێن ئۆپۆزسیۆنێ حه‌ساب كرییه‌.

ئارته‌شا تركیێ نێزی 12 پێگه‌هێن سه‌ربازی ل ده‌ردوورا ئدلبێ هه‌نه‌، ب سه‌دان سه‌ربازێن وێ ژی ل وان پێگه‌هان هاتنه‌ جێگیر كرن.