رۆژنامەیا القدس العربی راپۆرەک ل سەر رێکەفتنا سەدە یا ئەمەریکا ژ بۆ فەلستین و ئیسرائیلێ بەلاڤکر و تێدە ئاماژە ب ناڤەرۆکا وێ رێکەفتنێ کریە، ل گۆر ڤێ راپۆرێ رێکەفتنا سەدە یاکو دوهی شەڤ دۆنالد ترامپ راگهاندی ژ ٨٠ لاپەرەیان پێک تێ و تێدە “ئەبۆ دیس” ل رۆژهلاتێ قودسێ وەکە پایتەختێ فەلستینێ هاتیە دەستنیشانکرن.
رۆژنامەیا القودس العربی د بەردەوامیا راپۆرا خوە دە کو ژ مەدیا و چاپەمەنیێن عیبری ڤەگوهاستیە گرینگترین خالێن ڤێ رێکەفتنێ ب ڤی ئاوای ئەشکەرە کرینە:
١-دەستنیشان کرنا ئەبۆ دیس “باژارۆکێ کو ب تەنێ ٤ کیلۆمەترێن چوارگوشە رووبەر هەیە” وەکە پایتەختێ ولاتێ فەلستینێ هاتیە دەست نیشان کرن.
٢-پێکڤەنساندنا ٣٠% ژ ئەردێن “کەرانەیا باختەری” و غۆر ئۆردن ب ئەردێن ئیسرائیلێ.
٣-چەک کرنا بزاڤا ئیسلامی یا حەماس ل غەزەیێ و راگهاندنا ڤێ ناڤچەیێ وەکە ناڤچەیەکە ڤالا ژ چەکان.
٤-نەچارکرنا فەلستینیان ژ بۆ ب فەرمی ناساندنا “ئیسرائیلێ”.
٥-دەرنەکەفتنا ئیسرائیلێ ژ تو باژارۆکێن کێشە لسەر ل ناڤا فەلستینێ دە.
٦-دەستنیشانکرنا قودسێ وەکە “پایتەختا ئیسرائیلێ”.
٧-ئەردێن ژ دەرڤەی دیوارێ ناڤبڕ وێ بەشەک بن ژ ئەردێن فەلستینێ.
٨-چارەسەرکرنا پسگرێکا ئاوارەیێن فەلستینی ژ دەرڤەی ئەردێن فەلستینێ.
٩-دەم ل دەست پشتی چارەسەرکرنا پسگرێکا ئاوارەیان، ئەو دکارن ڤەگەرن فەلستینێ.
١٠-دانانا سندۆقەکێ ژ بۆ قەرەبۆکرنا ئاوارەیێن فەلستینی.
١١-ناچارکرنا فەلستینیان ژ بۆ ئەنجامدانا پێرابوونان ل دژی “تەرۆرێ” و راگرتنا پێکۆلێن ئیستیفزازی یێن تەرۆرێ.
١٢-درست کرنا جادە و تۆنێلان ژ بۆ پێکڤەگرێدانا کەرانەیا باختەری ب غەزە.
١٣-راگرتنا درستکرنا باژرۆکێن نێشتەجی کرنێ د دەما ٤ سالان دە کو د ڤێ دەمێ دە وێ دانوستاندن ژ بۆ دامەزراندنا دەولەتەک فەلستینی وەرن ئەنجامدان.
١٤-درستکرنا هنەک پرۆژەیان ل فەلستینێ ب بهایێ ٥٠ ملیارد دۆلاران کو وێ ژ ئالیێ ولاتێن کەنداڤی وەر دابینکرن،
١٥-پاراستنا رەوشا هەیی ل جیهێن پیرۆز ل قودسا رۆژهلات.
١٦-پێدانا هنەک ناڤچەیان ژ بیابانا “النقب” ژ بۆ فەلستینیان کو وێ بکەڤن دناڤ سینۆرێ دەولەتا فەلستینێ دە.
مەرجێن درست کرنا دەولەتا فەلستینی
١-چەک کرنا حەماس.
٢-راگهاندنا غەزە وەکو جیهەکێ ڤالا ژ چەکان.
٣-چاڤنقاندن ژ مافێ ڤەگەرانا ئاوارەیان.
٤-ب فەرمی ناساندنا دەولەتا ئیسرائیلێ.
٥-ب فەرمی ناساندنا ئەرێن نوو یێن ئیسرائیلێ.
٦-ب فەرمی ناساندنا قودسێ وەکە پایتەختا دەولەتا ئیسرائیلێ.
٧-راگرتنا پێدانا پەرەیان ب مالباتێن شەهیدا و دیلێن فەلستینێ.
٨-راگرتنا پێرابوونێن ئیستیفزازی ل دژی ئیسرائیکێ د بەرنامەیێن پەروەردەیی یێن فەلستینێ دە.
