كوالسیۆنێن پارتیێن سیاسی د ناڤا په‌رله‌مانێ تركیێ دا ئیرۆ پلانا چه‌رخی یا سه‌رۆكێ ئه‌مه‌ریكایێ ژ بۆ ئاشتییا رۆژهلاتا ناڤین راگهاندی شه‌رمه‌زار كرن.
پارتیێن سیاسییێن کو د پەرلەمانێ ترکیێ دا خوەدان فراکسیۆنن، ب نڤیسارەکا هەڤبەش پلانا ئاشتیێ یا رۆژھلاتا ناڤین کو شەڤا بووری دۆنالد ترامپی راگەهاندییه شەرمەزار کرن و راگەھاندنا هەڤبەش ب ئیمزایا فراکسیۆنێن AKP، CHP، HDP، MHP و ÎYÎ ژ لایێ بریكارێ سەرۆکێ پەرلەمانێ ترکیێ میتھات سانجار ل لژنەیا گشتی ھات خوەندن.
د راگھاندنێ دا وھا ھات گۆتن:
«پلانا ناڤبری یا کو دۆنالد ترامپ ئامادە کرییە، فلستینا کو لایەنەک ژ ھەردو تەرەفێن لهەڤهاتنێ یە، ب تەمامی پشتگوھ دکەت، ئه‌ڤ ژی ژ دادپەروەریێ دوورە».
ھەر وھا ل دژی بریار و پێشنیازا چارەسەرییا 2 دەولەتی یا نەتەوەیێن یەکبوویی یە، ئەم وەکو ھەمی پارتیێن سیاسییێن کو د پەرلەمانێ ترکیێ دا خوەدی فراکسیۆنین، وێ پلانا ناڤبری وەکو نەیی د هەژمێرین و شەرمەزار دکەین».
