چاویشئۆغلو: پێدڤییه ئه‌ڤ «قه‌شمه‌ره» بهێته سزادان
وەزیرێ دەرڤەیێ ترکیێ مەولوود چاویشئۆغلو د ئەکوانتێ خوە یێ تویتەرێ دا، بەرسڤەکا گەلەک گران و توند دا په‌رله‌مانتارێ یونانستانێ ئۆاننس لاگۆس کو ئالایێ ترکیی دراندییه.
ئۆاننس لاگۆس، د کۆمبوونا گشتی یا پەرلەمانێ ئەورۆپایێ دا ل برۆکسلێ ل سەر «رەوشا مرۆڤی ل گراڤێن یونانستانێ»، رەخنە ل سیاسەتا ترکیێ گرتبوو و ئالایێ ترکیێ دراندبوو.
لاگۆس دیار کربوو، گەلێ یەونانستانێ ژ ئالیێ کۆچبەران ڤە راستی ئێریشان دبن و وھا گۆت: «تركیا چ دخوازیت دكه‌ت، كۆچبه‌ر گه‌ر ب گه‌ر ژ تركیێ دهێنه وه‌لاتێ مه، دڤێت داویه‌ك ژ بۆ ڤێ پرسێ بهێت دانان».
ئه‌وی په‌رله‌مانتارێ یونانستانێ هه‌ر وها ئالایێ تركیێ وه‌ك نه‌رازیبوون ل سه‌ر ڤێ سیاسه‌تا تركیێ دراند و ئاڤێت.
د به‌رسڤا وی په‌رله‌مانتاری دا، وەزیرێ دەرڤە یێ ترکیێ مەولوود چاویشئۆغلو گۆت: «ئەڤ نه‌ژادپەرەستە گەلەک باش دزانن، مە چاوا دەستێن کو دگەھن ئالایێ مە شکاندینه، ئەو گەلەک باش دزانن مە چاوا ئەو هاڤێتنه دەریایێ دا، بلا نه‌ژادپەرستێن ئەورۆپا سنۆرێ خوە بزانن، ئەورۆپا پێدڤییه بێژیتە دژبەرێن ئیسلامێ و نەژادپەرەستیێ نە».
وه‌زیرێ كارێن ده‌رڤه یێ تركیێ هه‌ر وها گۆت: «ئالایێ مە دێ ھەر یێ بلند بیت، پێدڤییه ئەورۆپا ڤی قەشمەری سزا بدەت».
