سەرۆکێ زانینگەها زانستێن پزیشکی یێن باژارێ تەڤرێزێ ل ولاتێ ئیرانێ، ژ نڤاندا دو ژنێن چینی د ئێک ژ نەخوەشخانەیێن ڤی باژێری دا کو ئیهتیمالا وێ یەکێ لێ تێ کرن تووشی ڤایرۆسا کۆرۆنایێ بووبن خەبەر دا.
پێگەها هکوومی یا ئیرنا ئەڤرۆ رۆژا پێنج شەمبی 30/1/2020ێ ژ زاردەڤێ دکتۆر محەمەدحسین سومی، سەرۆکێ زانینگەها زانستێن پزیشکی ل باژارێ تەڤرێزێ راگەهاند ٢ ژنێن چینی ب گۆمانا نەخوەشیا ئەنفلۆوەنزایا کۆرۆنا نها د یەک ژ نەخوەشخانەیێن تەڤرێزێ دا ل بن چاڤدێریا پزیشکیدانە.
دکتۆر محمدحسین ژ بۆ پێگەها ئیرنا یا سەر ب حکوومەتا ئیرانێ ڤە راگەهاند ٢ ژنێن چینی یێن تووش بوویی ب ڤایرۆسا کرۆنۆیێ نها ل ئیرانێ نە، وی راگهاند: ژنا چینی یا 36 و 37 سالی پێنج رۆژان پێش نها ژ چینێ هاتبوون کۆمارا ئازەربایجانێ و دوهی ژ سینۆرێ ئاستارایێ هاتینە ناڤا ئیرانێ دا.
وی د دەربارا ڤان دو ژنێن چینی دا راگەهاند: ئەڤ دو ژنە ب نیشانێن هەبوونا پەرسیڤێ سەرەدانا یەک ژ نەخوەشخانەیێن تەڤرێزێ دکن، پشتی فەهسان دیار بوو کو تووش بوویێن ڤایرۆسا کۆرۆنایێ نە و ل گۆرەی پرۆتۆکۆلێن ناڤدەولەتی د جیهەکێ تایبەت ب خزمەتکرنا نەخوەشێن خوەدی نەخوشیێن ڤایرۆسی هاتینە نڤاندن.
