ل مه‌ها رابووری 188 سڤیل ل ئدلبێ هاتنه كوشتن
ژ ئه‌نجاما ئێریشێن به‌رده‌وام یێن رژێما سووریێ و ئارته‌شا رووسیا فه‌ده‌رال ل سه‌ر ئدلبێ، ل مه‌ها رابووری 188 ولاتیێن سڤیل جانێ خوه ووندا كرنه.
ل گۆر راپۆرێن رێخستنێن مافێن مرۆڤان، ل مه‌ها كانوونا دووێ یا ئیسال 2020ێ، ب سه‌ده‌ما ئێریشێن به‌رده‌وام یێن ئارته‌شا سووریێ و ئارته‌شا رووسیا فه‌ده‌رال ل سه‌ر پارێزگه‌ها ئدلبێ، 188 كه‌سێن سڤیل هاتنه كوشتن ژ وێ هه‌ژمارێ 64 زارۆ هه‌نه.
رێخستنێن مافێن مرۆڤان ده‌ست نیشان كرنه، هه‌موو قوربانیێن مه‌ها رابووری یێن ئدلبێ سڤیلن و ب بۆردۆمانا باله‌فرێن جه‌نگ جانێ خوه ووندا كرنه.
هه‌ر وها ب سه‌ده‌ما بۆردۆمانان 28 خوه‌ندنگه‌ه، 7 خیڤه‌ت، 11 بنكه‌یێن ساخله‌میێ، 9 بازار و 19 په‌رستگه‌ه، 5 ناڤه‌ندێن به‌رگرییا شارستانی و 3 وه‌ستگه‌هێن كاره‌بایێ، 4 خوارنگه‌ه هاتنه هه‌ده‌ف كرن و زرارێن مه‌زن پێ كه‌تنه.
پارێزگه‌ها ئدلبێ ل باكورێ رۆژئاڤایا سووریێ یه، ل ده‌ستپێكا جه‌نگا ناڤخوه یا سووریێ وه‌كه كه‌لا هێزێن ئۆپۆزسیۆنێ هات ناس كرن، ل سالا 2015ێ كه‌تیه ده‌ست ئۆپۆزسیۆنێ.
ل گولانا سالا 2017ێ هه‌ر یه‌ك ژ ولاتێن تركیێ، رووسیا، ئیرانێ، ئه‌و پارێزگه‌هه وه‌كه ناڤه‌چه‌یا كێم كرنا ئالۆزیێ د كۆنگره‌یا ئاستانیێ لهه‌ڤهاتن ل سه‌ر كر، لێ به‌لێ هه‌یا نها سووری و رووسیا فه‌ده‌رال پابه‌ندی ب وێ لهه‌ڤهاتنێ نه‌كرنه.
