حكوومه‌تا چینێ نووچه‌یه‌كا دلخۆشكه‌ر ل دۆر ڤایرۆسێ كۆرۆنایێ راگهاند و ئه‌شكه‌ره كر كو هه‌ژمارا 243 تووشبوویان ژ نه‌خوه‌شخانه‌یان هاتن ده‌رخستن پشتی كو ب ته‌مامی هاتینه چاره‌سه‌ر كرن.
هه‌ر چه‌ند كو هه‌ژمارا تووشبوویێن ڤایرۆسێ كۆرۆنایێ ل ولاتێ چینێ زێده‌بووینه و هه‌موه‌خت حاله‌تێن مرنێ ژی، لێ به‌لێ چینێ ئیرۆ ئه‌شكه‌ره كر كو ژ سه‌رجه‌مێ تووشبوویان، 243 كه‌س ژ نه‌خوه‌شخانه‌یان هاتن ده‌رخستن پشتی كو ب ته‌مامی ژ ڤایرۆسی هاتینه چاره‌سه‌ر كرن.
ل گۆر داوی ئامارا ئه‌نجوومه‌نا نشتیمانییا ساخله‌مییا چینێ، 259 كه‌س هه‌تا نها ب ڤایرۆسێ كۆرۆنایێ جانێ خوه ژ ده‌ست داینه، هه‌ر وها 11 هزار و 374 كه‌س تووشبووینه.
ژبلی چینێ، ڤایرۆسا كۆرۆنایێ گه‌هشتییه 26 ولاتان، لێ پرانییا وان حاله‌تان ولاتیێن چینی نه و ژ هه‌رێما هۆبای ب تایبه‌ت باژارێ ووهان چووینه وان ولاتان.
