ئارتێشا ترکیێ ل سەر شاندنا ھێزا لەشکری ژ بۆ پشتیڤانیکرنا یەکەیێن لەشکەرییێن وەلاتێ خوە ل سینۆر و ناڤ ئاخا سووریێ بەردەوامە.
شەڤا دەرباسبوویی، ترکیێ کاروانەکە دن ئێ لەشکری کو ژ ھەژمارەک تانک و سەربازان پێک دھات گەهاند باژارۆکێ رەیھانلیێ ئا سەر ب پارێزگەھا ھاتایێ.
ئەڤ کاروانێ لەشکەری ل ژێر تەدبیرێن ئەولەکاریێ ژ باژارۆکێ رەیھانلیێ ھەڤسینۆرێ سووریێ، بۆ یەکەیێن سەربازییێن سەر سینۆر ھاتن شاندن.
دوھ ژی نێزیکا ١٥ بارھلگرێن لەشکەری کو تانک و تۆپ ھلگرتبوون د ژێر تەدبیرێن ئەولەکاریێ دە ژ ھاتایێ بۆ یەکەیێن سەر سینۆرێ سووریێ ھاتبوون شاندن.
ئەڤ لەشکرکشیا ترکیێ پشتی وێ یەکێ تێ کو هێزێن سەر ب هکوومەتا سووریێ ل پارێزگەها ئیدلبێ د پێشڤەچوونێن خوە دە بەردەوامن و ل گۆر زانیاریان ب تەنێ ٢٠ کیلۆمیتران ئەڤ هێزە ژ ناڤەندا پارێزگەهێ دوورن،
