ئاژانسا سانا یا سەر ب رەژیما سووریێ ڤە راگهاند کو یەکینەیێن ئارتێشا رەژیما سووریێ د پێشڤەچوونێن خوە یێن ل ئەنیا باشوورێ باژارێ حەلەبێ بەردەوامن و ب رێیا چەکێن گران سەنگەرێن چەکدارێن “جەبهەت ئەلنەسر” ل میحوەرێ تۆمان، باژارۆکێ خالدیێ ئارمانج کرینە.
ئارتەشا رەژیما سووریێ د پێشڤەچوونێن خوە یێن سەربازی ل ئەنیا باشوورێ باژارێ حەلەبێ بەردەوامە و د داوی پێشڤەچوونێن خوە دا کاریە چەندین ناڤچەیێن ڤی باژاری ژ دەست هێزێن ئۆپۆزسیۆن بینت دەرێ.
ئارتەشا رەژیما سووریێ د چەندین رۆژێن رابووری دە هەژمارەک ژ ناڤچەیێن سەر ب خان تۆمان، ئەلراشدین ٥، مەعراتا، مستودعات ئەلوقۆد، رحبە التسلیح و مستودحات خان تۆمان خستینە ژێر دەسهلاتا خوە ڤە.
پشتی ڤان پێشڤەچوونێن ئارتێشا رەژیما سووریێ هەژمارا گرووپێن چەکدار ل ئەفرینێ کێم بوویە ژبەکو چەکدارێن گرێدایی ترکیێ ھێزان ل ئەفرینێ ژ بۆ پارێزگەھا ئدلبێ و رۆژاڤایێ باژارێ ھەلەبێ دشینن. د ناڤا ھەفتەیا بۆری دە ھەژمارەکە مەزن ژ چەکداران ب چەکێن خوەیێن گران ژ ھەرێما ئەفرینێ بەر ب ئدلب و ھەلەبێ چوونە دا کو پشتەڤانیا گرووپێن چەکدار د شەر دە بکن.
