سەرۆک کۆمارێ ترکیێ گەفێن هەری توند ل هکوومەتا سووریێ دکە و دبێژە، د بەرسڤا وان ئێریشێن ئیرۆ سووریێ ل ئیدلبێ ل دژی هێزێن ترکیێ پێک ئانی، ترکیێ ٤٠ پێگەهێن هکوومەتا سووریێ ئارمانج کرنە و ٣٠ هەیا ٣٥ چەکدارێن سووریێ کوشتینە و گەر پێویست بە جارەکە دن وێ ب فرۆکەیێن ئێف ١٦ بەرسڤا هکوومەتا سووریێ دن.
سەرۆکۆمارێ ترکیێ راگھاند، وان بەرسڤا ئێریشا سووریێ دا و هەژمارەک سەربازێن سووریێ کوشتن و ھەگەر پێویست بکە، ئەوێ فرۆکەیێن ف-١٦ ژی بکار بینن.
سەرۆکۆمارێ ترکیێ رەجەپ تەیپ ئەردۆغان ل فرۆکخانەیا ئەنقەرێ بەری چوونا بەر ب ئوکراینە ڤە راگھاند، وان ب ١٢٢ مووشەکان و ١٠٠ تۆپێن ھاونێ ل سەر ٤٠ ئارمانجان، بەرسڤا ئێریشا ئارتێشا سووریێ ل سەر ھێزێن وان ل ئدلبێ دانە.
ئەردۆگان راگھاند، ئۆپەراسیۆنێن وان ل ئدلبێ بەردەوام دبن و بەرسڤا ئێریشا ئارتێشا سووریێ ددن و ئەو نکارن ل ھەمبەر کوشتنا سەربازێن خوە بێدەنگ بن.
ئاشکەرە کر ژی: “د بەرسڤا ئێریشا ئیرۆ دە، مە ٣٥ سەربازێن سووریێ کوشتن. ھەگەر پێویست بکە، ئەمێ ب فرۆکەیێن ف-١٦ ژی ئێریش بکن.”
سەرۆک کۆمارێ ترکیێ راگهاند، وان زۆر زۆر ب توندی بەرسڤا ئێریشا ئیرۆ یا سووریێ بۆ سەر هێزێن ترکیێ دایە و نها ژی د بەرسڤدانا وان ئێریشاندا بەردەوامن، یێن کو ئەڤ خەلەتیە دەرهەق ترکیێ دە ئەنجام دای وێ ب بەرسڤا ترکیێ بزانن کو وان چ خەلەتیەکە مەزن کریە.
ئیرۆ رۆژا دوشەمی ٣/٢/٢٠٢٠ان ئارتێشا سووریێ ل ئدلبێ ئێریشی سەر ھێزێن ترکیێ کر و د ئەنجامێ دە ٤ سەربازێن ترکیێ ھاتن کوشتن و ٩ سەربازێن دن ژی بریندار بوون.
