هژمارا قوربانیێن ڤایرۆسا “کۆرۆنۆ” ل چینێ گهان ٣٥٠ کەسان

هژمارا قوربانیێن ڤایرۆسا"کۆرۆنۆ" ل چینێ گهان ٣٥٠ کەسان

کۆمیتەیا ساخلەمیا ویلایەتا “هۆبی” ل ولاتێ چینێ، دوهی شەڤ ٢/٢/٢٠٢٠ان راگهاند، دگەل بلند بوونا هژمارا قوربانیێن ڤایرۆسا کۆرۆنا یێ د ڤێ ناڤچەیێ دە ٥٦ کەسێن دن جانێ خوە ژ دەست دایە و نها هژمارا وان کەسێن ب سەدەما ڤایرۆسا کورۆنا یێ ل چینێ جانێ خوە ژ دەست دای گهان ٣٥٠ کەسان.

بەرپرسێن ساخلەمیا ویلایەتا هۆبی، جیێ کو یەکەمین جار ل مەها دیسامبەر ئا سالا رابووری ئەڤ ڤایرۆسە هاتبوو دیتن، تەکەز کرن کو هژمارا ٢١٠٣ کەسێن دن ژ ئاکنجیێن ڤێ ناڤچەیێ توشی ڤایرۆسا کۆرۆنایێ بوونە کو دگەل ڤێ یەکێ دە هژمارا تەڤاهی یا کەسێن ب ڤێ ڤایرۆسێ توش بووی گهشتن ١١١٧٧کەسان.

بەرپرسێن چینێ رۆژا یەکشەمی، راگهاند پشتی ٤٥ کەسان ل ویلایەتا هۆبی جانێ خوە ژ دەست دای، هژمارا دروست یا کەسێن توشی ڤێ ڤایرۆسێ بووی و جانێ خوە ژ دەست دای گهایە ٣٠٤ کەسان ل ڤێ ویلایەتێ.

هەڤدەم دگەل ڤێ چەندێ دە کۆمیتەیا ساخلەمیا ویلایەتا هۆبی ئەشکەرە کر کو هژمارا کەسێن ب ڤێ ڤایرۆسێ توش دبن بەر ب زێدەبوونەک زێدەیە و ب لەزگینی ئەڤ ڤایرۆسە بەلاڤ دبە، هەر وەها راگهاند د دەما ٢٤ دەمژمێرێن رابۆری دە ١٩٢١ کەسێن دن ژ ئاکنجی یێن ڤێ ناڤچەیێ توشی ڤێ ڤایرۆسا کوژەک بوونە.

ئەڤ یەک د دەمەکێ دەیە کو گۆمان تێ کرن ڤایرۆسا نوو یا کۆرۆنا یێ یەکەمین جار ل دیسامبەرا سالا ٢٠١٩ان دە ل بازارێ باژارێ ووهان یێ سەر ب ویلایەتا هۆبی ل چینێ، جیێ کو هەیوانێن وەهشی ژ بۆ فرۆشتنێ تاتن نیشاندان پەیدا بوویە و د دەما بەتلانەیێن دوماهیا سالا چینی دە کو ملیۆنان چینی ژ ڤی ولاتی گەشتا ولاتێن دن دکن ب لەزگینی هاتیە ڤەگوهاستن.

ژ ئالیەکە دن هکوومەتا چینێ هنەک رێکارێن توند ژ بۆ بەلاڤ نەبوونا زێدەتر یا ڤێ ڤایرۆسێ گرتینە بەر خوە، وەکە خستنە ژێر چاڤدێریا ٥٠ ملیۆن کەسان ل باژارێ ووهان و دۆرپێچەک تمام دانایە ل سەر ویلایەتا هۆبان.

پوستێن ھەمان بەش