زارۆیه‌كا ساخله‌م ژ دایكه‌كا تووشبوویی دبیت
ل یه‌ك ژ نه‌خوه‌شخانه‌یێن ولاتێ چینێ، ئه‌ڤرۆ زارۆیه‌ك ژ دایكه‌كا تووشبوویی ب ڤایرۆسێ كۆرۆنایێ دبیت و پشكنینێن وێ ئاشكرا كرن كو زارۆ ساخله‌مه و تووشی كۆرۆنایێ نه‌بوویه.
ئه‌ڤرۆ رۆژا دوشه‌مبی 3/2/2020ێ و ل یه‌ك ژ نه‌خوه‌شخانه‌یێن باژارێ هاربین یێ باكورێ رۆژهلاتا چینێ، ژنه‌كا ب دوگیان كو هه‌لگرا ڤایرۆسێ كۆرۆنایێ بوو، زارۆیه‌كا كچ بوو و پشكنێن زارۆیا وێ ئاشكرا كرن كو زارۆیا نوو ژدایكبوویی كچه‌كا ساخله‌مه و تووشی ڤایرۆسێ كۆرۆنایێ نه‌بوویه.
د ڤێ ده‌ربارێ دا، لژنه‌یا ساخله‌میێ یا باژارێ هاربین دیار كر، ئه‌ڤ یه‌ك ب موعجیزه دهێت هه‌ژمارتن، زارۆ ساخله‌مییا وێ گه‌له‌ك یا باشه و چ نیشانێن تووشبوونێ ب ڤایرۆسێ كۆرۆنایێ ل جه‌م نینن.
هه‌ر وها ده‌ست نیشان كر، ئه‌ڤ زارۆ ب رێیا نشته‌رگه‌ریێ هاتییه سه‌ر دونیایێ، نۆشداران پێشبینی دكر كو ڤایرۆس ل جه‌م هه‌بیت، لێ به‌لێ پێشبینیێن وان شاش ده‌ركه‌تن و زارۆ ساخله‌مه.
ل گۆر ئامارێن فه‌رمی یێن چینێ، هه‌ژمارا قوربانیێن ڤایرۆسا كۆرۆنایێ هه‌تا نها گه‌هشتنه 361 كه‌سان، هه‌روها 17 هزار تووشبوویان، ژ بلی چینێ ڤایرۆس نها ل 24 وه‌لاتان هه‌یه.
