ئەسغەر پاشاپۆر فەرماندارێ فه‌یله‌قا «قودس» ل حەلەبێ هات کوشتن
ئەسغەر پاشاپۆر، فه‌رماندار بلند یێ فه‌یله‌قا قودس یا سوپایێ پاسدارێن ئیرانێ ل سووریێ هات كوشتن، پاشپۆر د پەڤچوونەکێ دا دگەل دژبەرێن بەشار ئەسەدی ل حەلەبێ هات کوشتن.
پێگەها «دیفاع قدس» یا سەر ب رژێما ئیرانێ ڤە هەڤدەم دگەل تەکەزکرنا کوشتنا ڤی فەرماندارێ بلندێ سوپایێ قودس یێ سەر ب سوپایێ پاسدارێن ئیرانێ ڤە نڤیساند: «ئەسغەر پاشاپۆر ب كۆد ناڤێ جیهادی ئەسگەر زاکر، دوهی رۆژا ئێكشه‌مبێ ل سووریێ شەهید کەت”.
پاشاپۆر نیشتەجیێ باژارێ رێی یێ ئیرانێ یه و ل گۆر پێگه‌ها «دیفاع قدس» ئه‌و یەک بوو ژ وان کەسێن دەستپێکێ وەکە «پارێزڤانێن حەرەم» دگەل قاسم سولەیمانی چووبوو سووریێ و ل داویێ ل رۆژا رابووری د پەڤچوونێن دگەل هێزێن دژبەرێن بەشار ئەسەدی دا هات کوشتن.
ئیران ناڤێ «پارێزڤانێن حەرەمێ» ل سەر هێزێن خوە یێن ل سووریێ ژ بۆ بەژەوەندییا رژێما بەشار ئەسەدی شەری دکه‌ن کرییە.
