ل سنۆرێ پارێزگه‌ها وانێ یا باكورێ كوردستانێ ئه‌ڤرۆ ره‌نیه‌كا به‌فرێ كه‌ت و 26 كه‌سان جانێ خوه‌ ژ ده‌ست دا، 8  ژ وان جه‌ندرمه‌ بوون.

پارێزگه‌رێ وانێ راگه‌هاند، ره‌نیه‌كا به‌فرێ ئه‌ڤرۆ رۆژا چارشه‌مبێ 5/2/2020ێ ل سنۆرێ پارێزگه‌ها وانێ كه‌تییه‌ و 26 كه‌س كو د بنڤه‌ مانه‌، جانێ خوه‌ ژ ده‌ستدا.

هه‌ر وها ده‌ست نیشان كر، ژ هه‌ژمارا قوربانییان 8 جه‌ندرمه‌نه‌، 3 كارمه‌ندێن هێزێن ئه‌وله‌هیێ نه‌، 3 كارمه‌ندێن ئاگرڤه‌مراندنێ و 11 ولاتیێن سڤیلن.

ل گۆر پێزانینێن پارێزگه‌ها وانێ، كارێن لێگه‌ریانێ ل قوربانییان هه‌تا نها به‌رده‌وامن و ئه‌و ب دوور نابینن كو هه‌ژمارا كه‌سێن جانێ خوه‌ ژ ده‌ست داین، زێده‌تر ببیت.