رابه‌رێ شۆرشا ئیسلامی یا ئیرانێ ئیرۆ راگهاند، سه‌ركرده‌یێن ئه‌ره‌ب ئه‌وێن پشتگری ل «پلانا چه‌رخی» كرین، ده‌به‌نگن و چ شاره‌زاهییه‌ك ل جه‌م وان نینه.
ئایه‌توللا عه‌لی خامنه‌یی ئیرۆ رۆژا چارشه‌مبێ 5/2/2020ێ ل سه‌ر حه‌سابا خوه یا تویته‌رێ نڤیساندییه: «سه‌ركرده‌یێن ئه‌ره‌ب ئه‌وێن پشتگری بۆ پلانا چه‌رخی یا دۆنالد ترامپ كرین، ده‌به‌نگن و چ شاره‌زاهییه‌ك ل جه‌م وان نینه و ئه‌وان چ رێزه‌ك ل جه‌م گه‌لێن خوه ژی نینه».
خامنه‌یی هه‌ر وها دبێژه: «هوون ل وان سه‌ركرده‌یان نه نێرن، ئه‌ڤێن پشتگری ل پلانا چه‌رخی كرین خائینن».
دۆنالد ترامپ سه‌رۆكێ ئه‌مه‌ریكایێ ل حه‌فتییا رابووری «پلانا چه‌رخی» ژ بۆ ئاشتییا رۆژهلاتا ناڤین ب تایبه‌ت ل ناڤبه‌را ئیسرائیل و فه‌له‌ستینێ راگهاند و ل گۆر وێ، قودس ب فه‌رمی وه‌كه پایته‌ختا ده‌وله‌تا ئیسرائیلێ هاتییه ناس كرن.
