ساخله‌مییا جیهانی نووچه‌یه‌كێ زێده‌ خه‌مگین راگهاند

ساخله‌مییا جیهانی نووچه‌یه‌كێ زێده‌ خه‌مگین راگهاند

رێخستنا ساخله‌مییا جیهانی ئه‌ڤرۆ راگهاند كو ده‌رمانێ دژه‌ ڤایرۆسێ كۆرۆنایێ دێ گه‌له‌ك گیرۆ بیت و یێ به‌رده‌ست نابیت هه‌تا 18 مه‌هێن بهێت.

رێڤه‌به‌رێ گشتی یێ رێخستنا ساخله‌مییا جیهانی «تێدرۆس ئه‌دهانۆم گێبریسۆس» ئه‌ڤرۆ رۆژا سێشه‌مبێ 11/2/2020ێ ل جنێڤێ راگهاند، یه‌كه‌م ده‌رمانێ دژه‌ ڤایرۆسێ كۆرۆنایێ هه‌تا 18 مه‌هێن بهێت یێ به‌رده‌ست نابیت، له‌وما ژ بۆ ڤێ قۆناغێ پێویسته‌ ب رێكێن به‌رده‌ست به‌رهنگارییا ڤی ڤایرۆسی بكه‌ین.

هه‌روه‌ها ده‌ست نیشان كر، ڤایرۆسێ كۆرۆنایێ دێ ب «كۆفید 19» هێته‌ ب ناڤ كرن و داخواز ژ وان وه‌لاتان كر ئه‌وێن ڤایرۆسێ كۆرۆنایێ ب دوژمنێ مرۆڤاتیێ د هه‌ژمێرن، هه‌موو هه‌وله‌كێ ژ بۆ به‌رهنگاربوونا وی بكه‌ن.

رێڤه‌به‌رێ رێخستنا ساخله‌مییا جیهانی دبێژت: «هه‌گه‌ر جیهانێ نه‌ڤێت ڤی ڤایرۆسی ب دوژمن بزانیت، ئه‌ڤه‌ ب وێ رامانێ دهێت كو مه‌ وانه‌ ژ دیرۆكێ وه‌رنه‌گرتینه‌» و دازانین ل ڤێ قۆناغێ تنێ ئه‌م دشێین ستراتیجییا رێگری كرنێ ل به‌لاڤبوونا ڤایرۆسی بكار بینین.

هه‌ر د ڤێ ده‌ربارێ دا، ئالیێن فه‌رمی یێن چینێ دیار كرینه‌ كو هه‌موو هه‌ولێن هه‌تا نها ژبۆ دیتنا ده‌رمانێ دژه‌ ڤایرۆسی كۆرۆنایێ شكه‌ستن ئیناینه‌.

ل گۆر داتایێن فه‌رمی، هه‌تا نها 1.043 كه‌سان ب ئه‌گه‌را ڤایرۆسێ كۆرۆنایێ ل چینێ ژیانا خوه‌ ژ ده‌ست دایه‌، هه‌ژمارا تووشبوویان ژی ژ 43 هزار كه‌سان ده‌رباس بوویه‌.

پوستێن ھەمان بەش