ئارته‌شا تركیێ ئیرۆ كاروانه‌كێ دن یێ سه‌رباز و هێزێن تایبه‌ت شاندن سینۆرێ ئدلبێ، پشتی كو ره‌جه‌ب ته‌یب ئه‌ردۆگان گه‌فێن ئێریش كرنا سه‌ر ئارته‌شا سووریێ كرین.
ئیرۆ رۆژا چارشه‌می 12/2/2020ێ ئارته‌شا تركیێ كاروانه‌كێ دن یێ هێزێن سه‌ربازی و تایبه‌ت كو ژ هێزێن كۆماندۆ، زریپۆشان پێكهاتییه، ره‌وانه‌ی سووریێ كرن ژ بۆ كو وه‌كه هێزه‌كا پشته‌ڤانیێ ل سینۆرێ ئدلبێ بهێن جێگیر كرن.
شاندنا ڤان هێزان هه‌ڤده‌می هۆشداریێن سه‌رۆك كۆمارێ تركیێ یێن ئیرۆ نه كو ل پارله‌مه‌نا تركیێ گۆتار ل ده‌ربارا ره‌وشا ئدلبێ دایه.
ئه‌ردۆگان گۆتییه: هه‌ر زراره‌كه بچووك ب سه‌ربازێن تركیێ ل سووریێ بكه‌ڤیت، ئه‌و دێ ب دژواری ئێریشا ئارته‌شا به‌شار ئه‌سه‌دی بكه‌ن.
سه‌رۆكێ تركیێ هه‌ر وها ده‌ست نیشان كر، ئارته‌شا به‌شار ئه‌سه‌دی ل ئه‌رد و ئاسیمانان ژ ئێریشێن ئارته‌شا تركیێ پاراستی نابیت.
