لیندسی گراهام سیناتۆرێ کۆماری یێ ئه‌مه‌ریكایێ دگەل وەسف کرنا ئیرانێ ب «پەنجەشێرا» رۆژهلاتا ناڤین راگهاند چارەسەرکرنا کریزێن لبنانێ، سووریێ و ئیراقێ ب تەنێ ب نەهێلانا رۆلا ئیرانێ د ڤێ ناڤچەیێ دا گرێدایە.
گراهام د جڤینەکێ دا ل کۆنفەرانسا ئەولەهیا میونشنێ، ئیران وەکە په‌نجه‌شێرا ناڤچەیێ ب ناڤ کر، وی راگهاند کو ئارمانجا ئیرانێ ب دەستڤەئانینا بۆمبا ناڤۆکی یە و ئەگەر ئیران ڤێ بۆمبێ دەست خوە ڤە بینە دێ وێ بۆمبەیێ بکارئینیت.
سیناتۆرێ کۆماری راگهاند کو حکوومەتا دۆنالد ترامپ، همبەر ڤێ یەکێ کو یەک ژ بەنکێن سۆتەمەنیا ناڤۆکی ل ئەورۆپایێ، سۆتەمەنیا ناڤۆکی ل سەر ئیرانێ و هەموو دەولەتێن دی یێن رۆژهلاتا ناڤین پارڤە بکەت، تاکو بکارن ئەنەرژییا ئاشتیخوازانە دەست خوە ڤە بینن، ئامادەیە کو دوورپێچێن ل سەر ئیرانێ راکەت.
سیناتۆر لیندسی گراهام راگهاند کو ئەڤ پێگوهەرەکە کو واشنتۆنێ ژ بۆ لهەڤهاتنا ناڤۆکی دگەل ئیرانێ ل بەر چاڤ وەرگرتییە.
ناڤبووری هەر وها ئیران وەکە سەرۆکانیا پرسگرێکێن ناڤچەیێ ب ناڤ کر و د ڤێ دەربارێ دا ئیران وەک بەرپرسا دروستکرنا پرسگرێکان ل ولاتێن ئیراقێ، سووریێ، یەمەنێ و لبنانێ دەست نیشان کر.
