كۆمارا ئیسلامییا ئیرانێ ئیرۆ راگهاند كو ڤایرۆسا كۆرۆنا كو ب ناڤێ COVID-19 هاتیه ب ناڤ كرن، گه‌هشتیه جه‌م وان و دو حاله‌ت هاتنه ته‌سبیت كرن.
وه‌زاره‌تا ساخله‌مییا ئیرانێ ئیرۆ رۆژا چارشه‌مبێ 19/2/2020ێ راگهاند، 2 حاله‌تێن ڤایرۆسا كۆرۆنایێ ل جه‌م وان ل باژارێ قوم په‌یدابوونه و هه‌ردو كه‌س هاتنه بنچاڤ كرن و كه‌تنه ل ژێر چاڤدێرییا ساخله‌میێ.
ڤایرۆسا كۆرۆنا ل داوییا سالا رابووری ل چینێ ل باژارێ ووهان یێ هه‌رێما هۆبی ده‌ركه‌تبوو و پشتره ژ بۆ نێزی 29 وه‌لاتان هات ڤه‌گوهاستن.
ئیران ژی یه‌كه‌م ولاتێ ناڤچه‌یێ یه پاش ئیماراتا ئه‌ره‌بی كو ئه‌ڤ ڤایرۆسا كوژه‌ك دگه‌هه ناڤا وێ دا.
داتایێن فه‌رمی یێن چینێ ئه‌شكه‌ره كرینه، هه‌تا نها 75282 كه‌س ب كۆرۆنایێ تووشبوونه، هه‌ر وها 2012 كه‌سان جانێ خوه ژده‌ست دا نه و نێزی 500 تووشبوویان ل ده‌رڤه‌ی چینێ هه‌نه.
