پشتی وان سزایێن ئابووری یێن کو ئهمەریکایێ داناینه سەر ئیرانێ، ئێخستنا بالەفرا ئۆکراینی و هەژمارەک ژ قەیرانێن دی یێن د ڤی ولاتی دا، سبە گەلێ ئیرانێ دێ ژ بۆ بەشداریکرنێ د ههلبژارتنێن خۆلا 11ێ یا پهرلهمانێ وەلاتێ خوە دا چنه سەر سندۆقێن دەنگدانێ.
دەما بانگهشهكرنێ ژ بۆ ههلبژارتنان کو رۆژا 13ێ شوباتێ دەست پی کربوو، ئهڤرۆ سپێدێێ ل دهمژمێر 8ی سپێدێ ب دوماهی هات.
د ههلبژارتنان دا 57 ملیۆن و 918 هزار دەنگدەر کو 2 ملیۆن و 931هزار و 716 کەس ژ وان جارا یەکەمینە دێ بەشداری ههلبژارتنان ببن، سبە دێ ئەندامێن نوو ژ بۆ پهرلهمانێ ولاتێ خوە ههلبژێرن.
سبە ل دهمژمێرێ 8:00ێ سپێدێ دەنگدان ل ئیرانێ دێ دەستپێكهت و دهمژمێر 18:00 دێ ب دوماهی هێت.
پارتیێن پارێزگارێن ئیرانێ دێ ب ناڤی لیستا «ئیرانا سەربلند» بەشداریێ د ههلبژارتنان دا کهن و ل سەرجەمێ 30 پارتیێن ریفۆرمخواز ب تەنێ 9 ژ وان دێ بەشداری ههلبژارتنان بن، ژ بەرکو ریفۆرمخوازان ب یەک بلۆک بەشداری ههلبژارتنان نەبوون و بەشەکێ مەزن ژ وان بایکۆتا ههلبژارتنان کر، پارتیێن بەشدار ژی نهشێن لیستەکا هەڤبەش پیکبینن.
مافێ كاندیدبوونێ 7 هزار و 148 کەس ژ سەرجەمێ 16 هزار و 33 کەسان کو داخوازی پێشکەش کربوون هاتن پەژراندن، ژ بۆ هەر کورسیەکی ژ 290 کورسیێن پهرلهمانی، 24 كاندید ودێ هەڤرکیێ ل سەر ب دەستڤهئینانا کورسیێ کهن.
ل سەر ئاستا ئیرانێ 208 بازنەیێن ههلبژارتنان هەنە و دەنگدەر دکارن ل 55 هزار جهان دەنگێ خوە بدهن، زێدەتر ژ یەک ملیۆن کەسان دێ بەشدار بن د برێڤەبرنا پرۆسەیا ههلبژارتنێن ئیرانێ دا.
تەهران ب 35 پهرلهمانتاران زۆرترین کورسیێن پهرلهمانی هەنە و د بەرانبەر دا هەر یەک ژ پاریزگەهێن ئەلبۆرز، ئیلام، قوم و کەهگیلۆیێ و بویر ئەحمەد ب 3 پهرلهمانتاران کێمترین کورسی هەنە.
تێ چاڤەرێکرن کو ژ بەر کریزێن ئابووری و رەوشا ئالۆز یا ئیرانێ هەژمارەک هەری کێم ژ گەلێ ئیرانێ بەشداری هلبژارتنان ببیت.