دادوەرێ ئیتالیا ئیرۆ رۆژا پێنجشەمبی 20/2/2020ان راگهاند، کاپتنێ کەشتیەکا بارهەلگر کو ئالایێ لبنانێ بلندکربوو، ب تۆمەتا قاچاقچیتیا چەکی دناڤبەرا ترکیێ و لیبیا ل باکورێ ئیتالیا هات دەستەسرکرن.
دادوەرێ ئیتالیا ب زەلال کرنا ڤێ یەکێ کو کاپتنێ لبنانی یێ کەشتیێ کو د باژارێ بەراڤی یێ جینەوا کەشتیا خوە راوەستاندبوو، ب سەدەما پێدانا مووشەک، تانک و ئالاڤێن سەربازی ب لیبیا و بن پێ کرنا دوورپێچێن چەکدارکرنێ یێن نەتەوەیێن یەکبوویی ل دژی ڤی ولاتی ل بن لێکۆلینان دا یە.
وی هەر وها راگهاند: کاپتنێ ڤێ کەشتیێ، گومانبارە ب کرین و فرۆتنا چەکی دگەل بەرپرسێن لەشکەری یێن ترکیێ کو هەتا نها ناسنامەیا وان بەرپرسان نەهاتیە ئەشکەرە کرن.
ئارتێشا نەتەوی یا لیبیا د دوماهیا مەها رابووری دا هندەک وێنە ژ خالی کرنا بارێ کەشتیا ترکیێ ل تەرابلوسێ پارڤەکربوون.
ئەحمەد المسماوی، بەردەڤکێ فەرمی یێ فەرمانداریا گشتی یا ئارتێشا لیبیایێ رۆژا پێنجشەمی 20/2/2020ێ د فەیسبووکێ خوە دا راگهاند، «فەرمانداریا گشتی یا هێزێن چەکدار یێن لیبیایێ، بارێ کەشتیا ترکیێ کو رۆژا سێ شەمییێ، 28/1/2020ێ، ل بەندەرا تەرابلوسێ هاتبوو خالی کرن، بن چاڤ کریە.
کەشتیا فرۆکەهلگرا فەرەنسی شارل دۆگل، ل بەراڤێن لیبیا، کەشتیەکا سەربازی یا ترکیێ رەسەد کربوو کو کەشتیا هلگرا ئالاڤێن زرخی بەرەف تەرابلسێ دبرن.
بەشداربوویێن کۆنفەرانسێ بەرلینێ ل 19 مەها January، پەیمان دا کو بارێن چەکی ژ بۆ لیبیایێ نەهنێرن و مایتێکرنێ د رەوشا ناڤخوە یا ڤی ولاتی دە نەکن، لێ بەلێ رەجەب تەییب ئاردۆگان سەرۆک کۆمارێ ترکیێ، دوهی ب رەخنەگرتن ژ بریارا یەکیتیا ئەورۆپایێ ژ بۆ دەستپێکرنا بریارا نوو ژ بۆ دوورپێچا چەکدارکرنێ ئا نەتەوەیێمن یەکبوویی سەبارەت لیبیایێ، وەلاتێن ئەورۆپایێ ب لهەڤهاتنا ل سەر دەستپێکرنا نوو یا « مایتێکرن د ناڤچەیێ دە» توومەتبارکرن.
ئاردۆگان هەر وها پێشوازی ل بریارا دەولەتا ئەلویفاق ب سەرۆکاتیا فایز ئەلسراج ژ بۆ دەرکەتن ژ دانوستاندنێن دگەل ئارتەشا لیبیایێ ب فەرمانداریا خەلیفە هەفتەر پاش ئیرشا ل سەر بەندەرا تەرابلوسێ، کر.
