پارێزگارێ باژارێ عەنتابێ راگهاند، ب سەدەما ئێریشا رەژیما سووریێ ل ئدلبێ، سەربازەکێ سوپایی ترکیێ هات کوشتن.
د راگهاندنێ دا کو ژ ئالیێ پارێزگارێ باژارێ عەنتابێ ڤە هات پارڤەکرن هاتییە: «ل ناڤچەیا ئدلبێ یا سووریێ د ئەنجاما بۆمبەبارانکرنا هێزێن ترکیێ ژ ئالیێ سوپایێ رەژیما سووریێ ڤە، لەشکەرەکێ ترک هات کوشتن».
هەڤدەم دگەل ڤێ یەکێ دا وەزارەتا بەرگری یا ترکیێ راگهاند کو وان “21 پێگەهێن رەژیما سووریێ ل ئدلبێ ژناڤ برینە”.
وەزارەتا به‌رگریێ یا ترکیێ راگهاند پاش کوشتنا سەربازەک ترک ل ئدلبێ، 21 پێگەهێن رەژیما سووریێ هاتن بۆمبەبارانکرن و ژناڤبرن.
وەزارەتا به‌رگریێ یا ترکیێ ئاماژە ب ڤێ یەکێ ژی کر کو ئەو رێ نادن خوینا سەربازێن وان ب هەروە بچیت، هەروەها د درێژاهیا راگهاندنا خوە دە کو ل سەر تۆرا جڤاکی یا توویتەرێ دا پارڤە کرییە زەلال کر: «پاش وێ ئێریشا بێ رەوشتیانە یا ئدلبێ، مە 21 پێگەهێن رەژیما سووریێ ل ناڤچەیێ بۆمبەباران و ژناڤ برن، چاڤدێریا پێشهاتان تێ کرن و رێکارێن پێدڤی مە ستاندینە».
تێ زانین کو پاش لەشکەرکێشیا ترکیێ ژ بۆ باژارێ ئدلبێ و دەرکەتنا شەر د ناڤبەرا ترکیێ و رەژیما سووریێ دا ئەڤ دویەمین سەربازێ ترکیێ یە کو ژ ئالیێ سوپایێ رەژیما سووریێ ڤە تێ کوشتن.
