دگەل بلند بوونا هه‌ژمارا کەسێن تووشبوویی ب ڤایرۆسا کۆرۆنایێ ل وەلاتێ ئیرانێ دا، هەر یەک ژ وه‌لاتێن ترکیێ و ئەڤغانستانێ راگهاندن کو ئەو دێ دەریێن سینۆری دگەل ئیرانێ قەپات بکه‌ن.
د یەکەم هه‌نگاڤ دا ترکیێ دەریێن سینۆری یێن ئەردی و ئەفغانستانێ دەریێن سینۆری یێن ئەردی و ئاسمانی ل سەر ئیرانێ قەپات کرن.
کیانۆش جەهانپور، سەرۆکێ پەیوەندیێن گشتی و پێدانا پێزانینان ل وەزارەتا ساخله‌مییا ئیرانێ د نووترین ئامار دا راگهاند، کەسێن تووش بوویی 60٪ زێدە بوویە و 54٪ ژ کەسێن تووشبوویی د 24 دەمژمێرێن رابۆری دە تووشی ڤێ ڤایرۆسێ بوونە.
