کۆریا باکور ژ بۆ روو ب روو بوونا ڤیرۆسا کۆرۆنا ٣٨٠ ولاتیێن بیانی د ناڤا ولاتێ خوە دە بنچاڤکرن، کو ل گۆرەی مەدیایا فەرمی یا کۆریا باکور پرانیا وان کەسێن هاتیە بنچاڤکرن دیبلۆماتکارێن بیانی و مالباتێن وان یێن نیشتەجی ل پیۆنگ یانگن.
هەیا نها دیار نینە کو بنچاڤکرنا ڤان کەسان هەیا چ دەم وێ بدۆمە، هەرچەند هەیا نها چ حالەتەکێ تووش بوون ب ڤیرۆسا کۆرۆنایێ ل کوریا باکور نەهاتیە تۆمارکرن.
ئەڤ یەک د دەمەکێ دەیە کو ل کۆریا باشوور ٧٦٣ کەس تووشی ڤیرۆسا کۆرۆنا بوونە و ژ ڤێ هەژمارێ ٧ کەسان ب سەدەما ڤیرۆسا کۆرۆنا جانێ خوە ژ دەست دایە.
هەر وەها ل کۆریا باشوور ژ بەر تووش بوونا ١١ سەربازێن ڤی ولاتی ب ڤێ ڤیرۆسێ، ئارتێشا ڤی ولاتی ٧٧٠٠ سەربازێن خوە بنچاڤکرن.
