چینێ ده‌رمانێ كۆرۆنایێ دیت

كه‌نالێ فه‌رمیێ چینێ ئه‌ڤرۆ راگه‌هاند كو پرۆفیسۆرێن وان شیایینه‌ ده‌رمانێ دژه‌ ڤایرۆسێ كۆرۆنایێ ئاماده‌ بكه‌ن، لێ ل ده‌ستپێكێ دێ ل سه‌ر گیانه‌وه‌ران تێست كه‌ن.

ده‌یلی مه‌یل یا به‌ریتانی ژ كه‌نالێ فه‌رمیێ چینێ ڤه‌گوهاستییه‌ كو پرۆفیسۆرێ چینێ هوانگ جینهای ژ زانکۆیا تیانجین، شیاییه‌ ده‌رمانه‌كێ دژه‌ ڤایرۆسێ كۆرۆنایێ ئاماده‌ بكه‌ت كو ب رێیا ده‌ڤی ب نه‌خۆشان دهێته‌ دان.

هه‌روه‌ها دیار كر، ئه‌و ده‌رمان ژ كه‌رسته‌یێ (هه‌ڤیر ترشی) هاتییه‌ چێكرن و چ كاریگه‌رییه‌كا لاوه‌كی ل سه‌ر مرۆڤان نابیت، لێ ل ده‌ستپێكێ دێ ل سه‌ر گیانه‌وه‌ران هێته‌ تێست كرن.

پرۆفیسۆرێ چینی دبێژیت: «ئه‌ڤ ده‌رمان هێرشێ دكه‌ته‌ سه‌ر پرۆتینێ ڤایرۆسی، ئه‌و پرۆتینێ ڤایرۆسی ئاراسته‌ی شانه‌یێن لاشێ نه‌خۆشان دكه‌ت».

ل حه‌فتییا بووری ژی كۆمپانییه‌كا ئه‌مه‌ریكی راگهاندبوو كو وان ده‌رمانه‌ك ژ بۆ دژه‌ ڤایرۆسێ كۆرۆنایێ ئاماده‌ كرییه‌، لێ ل ده‌ستپێكێ دێ ل سه‌ر گیانه‌وران هێته‌ تێست كرن.

پوستێن ھەمان بەش