ئه‌مه‌ریكایێ ئیرۆ كاروانه‌كێ هاریكاریێن سه‌ربازی و لۆجستی ده‌ربازی رۆژئاڤایا كوردستانێ كر، لێ ئه‌شكه‌ره نه‌بوویه كانێ ئه‌و هاریكاری ژ بۆ چ ئالییه‌كی هاتنه شاندن.
ئارته‌شا ئه‌مه‌ریكایێ ئیرۆ رۆژا چارشه‌می 26/2/2020ێ، هه‌ژماره‌كا ئه‌ره‌به‌یێن بارهه‌لگر كو هاریكاریێن سه‌ربازی و لۆجستی تێدا بوون، ده‌ربازی رۆژئاڤایا كوردستانێ كرن، لێ هه‌تا نها ئه‌شكه‌ره نه‌بوویه، كانێ ئه‌ڤ هاریكاری ژ بۆ چ ئالییه‌كی نه.
ئارته‌شا ئه‌مه‌ریكایێ كاروانێ ئیرۆ یێ هاریكاریێن سه‌ربازی ڤه‌گوهاستن سینۆرێ قامشلۆیێ و مه‌دیایا سووریێ راگهاند كو ئه‌و ئه‌ره‌به ژ بۆ جهێن هێزێن ئه‌مه‌ریكایێ ل نێزی كێلگه‌هێن په‌ترۆلێ هاتنه بجی كرن.
ل چه‌ند مه‌هێن رابووری ئارته‌شا ئه‌مه‌ریكایێ هه‌ژماره‌كا ئێكجار زۆر یا ئه‌ره‌به‌یێن بارهه‌لگر یێن چه‌ك و پێویستیێن لۆجستی ده‌ربازی رۆژئاڤایا كوردستانێ كرنه، ژ بۆ كو هه‌بوونا هێزێن خوه ل ده‌ردووا حه‌سه‌كێ و قامشلۆیێ بهێز بكه‌ت.
