حاله‌تێن مرنێ زێده‌بوون

پشتی جان ژ دەست دانا چار تووشبوویێن دن ب ڤایرۆسا کۆرۆنایێ (کۆڤید-19) ل ئیرانێ، هه‌ژمارا قوربانیێن ڤێ ڤایرۆسێ، گه‌هشت 26 کەسان و هه‌ژمارا حالەتێن تووشبوونێ ژی ژ بۆ 245 کەسان بلند بوون.

ئاژانسا فارس نیۆس بەلاڤ کرییە، بەرپرسێ پەیوەندییان ل وەزارەتا تەندروستی یا ئیرانێ، کیانۆش جیهانپۆر سەبارەت هه‌ژمارا کەسێن تووشبوویی ب ڤایرۆسا کۆرۆنایێ ل ئیرانێ، راگهاند، هەیا ئیرۆ رۆژا پێنجشه‌می 27/2/2020ێ 26 کەسان ژ ولاتیێن مە جانێ خوە ژ دەست دایە، هه‌ژمارا کەسێن تووشبوویی ژی بۆ 245 کەسان بلند بوویە.

دوهی رێڤەبەرێ تەندورستییا جیهانی، تێدرۆس ئەدهانۆم د داخوەیانییەکێ دا ئاماژە ب ڤێ یەکێ کربوو ئەو پر غەمبارن ب بلندبوونا نە چاڤەرێکری یا حالەتێن تووشبوونێ ب ڤایرۆسا کۆرۆنایێ (کۆڤید-19) ل هەر یەک ژ ولاتێن ئیرانێ، ئیتالیا و کوریا باشوور.