ئه‌مه‌ریكایێ وێنه‌یێ كۆرۆنایێ به‌لاڤكر

نۆشدارێن ویلایه‌تێن یه‌كگرتی یێن ئه‌مه‌ریكایێ هنه‌ك وێنه‌یێن نوو یێن ڤایرۆسا كۆرۆنایێ (COVID – 19) به‌لاڤ كرن كو ل ناڤ لاشێ نه‌خۆشه‌كی دا نه‌.

نۆشدارێن ئه‌مه‌ریكایێ وێنه‌یێن نوو یێن ڤایرۆسا كۆرۆنایێ به‌لاڤ كرن كو ژ خانه‌یێن نه‌خوه‌شه‌كی هاتنه‌ گرتن و خوه‌یا دكه‌ت كانێ ڤایرۆس ل ناڤ لاشێ مرۆڤان دا ب چ ئاوایی یه‌.

ل گۆر وێنه‌یان ڤایرۆسا كۆرۆنایێ ب ره‌نگێ شین ب زه‌لالی د وێنه‌یان دا خوه‌یا دكه‌ت.

نۆشداران ئه‌ڤ وێنه‌ ژ خانه‌یێن كه‌سه‌كێ تووشبوویی ب كۆرۆنایێ گرتنه‌ و خالێن ب ره‌نگێ شین نیشانێن شێوه‌یێ ڤایرۆسێ نه‌ د خانه‌یێن لاشێ نه‌خوه‌شی دا.

نۆشداران ئه‌شكه‌ره‌ كر كو ئه‌ڤ نه‌خوه‌ش ته‌مه‌ن 36 سالی یه‌ و یه‌كه‌م كه‌سێ ئه‌مه‌ریكایێ یه‌ كو تووشی ڤایرۆسا (COVID – 19) بوویه‌ و وێنه‌ ب رێیا مایكرۆسكۆبێ (ڤیرۆن) هاتنه‌ كێشان.

وێنه‌ ئه‌شكه‌ره‌ دكه‌ن كو ڤایرۆسا كۆرۆنایێ ب چ ئاوایێ هێرشێ دكه‌ته‌ سه‌ر خانه‌یێن لاشی و نه‌خوه‌شی تووشی هه‌ودانه‌كا دژوار دكه‌ن، هه‌ر وه‌ها كانێ ب چ له‌زاتی ڤایرۆس د ناڤ لاشی دا زێده‌ دبیت.