چاڤکانیێن رۆژنامەڤانی ل ئیرانێ رۆژا یەکشەمی ١/٣/٢٠٢٠ان خەبەر ژ بەردەوامیا بوومبەبارانکرنا پێگەهێن هێزێن ئیرانێ و چەکدارێن سەر ب ئیرانێ ل سووریێ ژ لایێ ترکیێ ڤە دا.
«راوێژکاریا سەربازی» یا ئیرانێ کو د راستی دە پێگەها سەربازی یا سەر ب سوپایێ ئیرانێ یە ژ بۆ هنارتنا چەکدارێن توندرەو ژ ئەفغانستان، پاکستان، ئیراق و لبنانێ ژ بۆ سووریێ، هەڤدەم دگەل تەکەز کرن ل سەر بەردەوامیا بوومبەباران کرنا گران ئا تۆپخانەیێن ئارتەشا ترکیی ل سەر پێگەهێن ئیرانێ و میلیشیایێن سەر ب وێ ڤە، داخوز ژ ترکیێ کر کو ب شێوەیەک «عەقلانی» سەرەدەریێ دگەل رەوشا ئیدلبێ بکت.
ل گۆرەی پێگەها ئەلیکترۆنی یا “تابناک” ئا سەر ب رەژیما ئیرانێ ب ڤەگوهاستن ژ چاڤکانیێن لبنانی، سازیا سەربازی یا ئیرانێ ل سووریێ «سەنتەرێ راوێژکاریا ئیران»ێ د داخوەیانیەکێ دە راگهاندیە: «ژ سەرێ سبە یا رۆژا بهوری مە فەرمان ل هیزێن خوە کریە کو ئارتەشا ترکیێ ل ئیدلبێ ئارمانج بکن تاکو ب ڤێ رێیێ بکارن جانێ خوە بپارێزن. لێ بەلێ هەرچەند هیزێن مە دکارین تەقەیێ ل ئارتەشا ترکیێ بکن لێ وان خوە ژ ئارمانجکرنا وان دوور گرتیە لێ ئارتەشا ترکیێ بەردەوامە ل بوومبەباران کرنا پێگە و سەنتەر و سەنگەرێن مە».
سەنتەرێ سەربازی یێ ئیرانێ د راگهاندنا خوە دە داخواز ژ سەرۆک و فەرماندارێن ترکیێ کر کو رێگریێ بکن ژ «رشتنا خوینا سەربازێن» وی ولاتی ل ناڤا خاکا سووریێ دە.
پشتی ئێریشا کو ل رۆژا ئەینی هێزا ئاسیمانی یا رووسیێ و ئارتەشا سووریێ کری سەر هێزێن ترکیێ ل ئیدلبێ، پتر ژ ٣٤ سەربازێن ترک هاتن بەرتەرەفکرن.
ئارتەشا ترکیێ د بەرسڤا ڤێ ئێریشێ دە، ئێریشێن بەژایی و تۆپخانەیی ل دژی ئارتێشا سووریێ و هێزێن ئیرانێ و حیزبوالله یا لبنانی و میلیشیاتێن دن یێن ل دەردۆرا ئیدلبێ پێک ئانین.
ل گۆرەی داخوەیانیا ئارتەشا ترکیێ بالەفرێن جەنگی یێن ترکیێ ب ناڤێ ئێف ١٦ پێتری ٥٠ ئێریشێن ئاسیمانی ل دژی پیگەهێن ئارتێشا سووریێ و میلیشاتێن ئیرانێ و میلیشیاتێن دن یێن سەر ب وان ڤە ئەنجامدانە کو ئەڤ ئێریش بوونە سەدەما بەرتەرەفکرنا پیتری ژ هەزار هیزان و ئەو ب تەمامی هاتن ژناڤبرن، پاش ڤان ئێریشێن ئارتەشا ترکیێ هێزێن ئارتەشا سووریێ و میلیشیاتێن ئیرانی و میلیشیاتێن دن یێن سەر ب وان ڤە ناچار مان باژارێ سرقب ب جی بهێلن.
