ل گۆرەی چاڤکانیێن رۆژنامەڤانی ئیرۆ رۆژا یەکشەمی ١/٣/٢٠٢٠ فرۆکەیەکا بێ پیلۆت ئا سیخۆری ل رۆژهلاتێ باژارێ ئیدلبێ کەتیە خوارێ و هەیا نها ب درستاهی نەهاتیە پشت راست کرن کا فرۆکە سەر ب چ ئالیەکێ یە، حکوومەتا سووریێ دبێژە ئەو فرۆکە ژ ئالیێ مە ڤە هاتیە ئێخستن و فرۆکەیەکا سیخۆری یا ترکیێ یە لێ بەلێ ئۆپۆزسیۆنا سووریێ ژی دبێژە مە فرۆکەیەکا سیخۆری ل ئەسمانێ باژارۆکێ سەرقابێ ئێخستیە خوارێ کو یا ئارتەشا رەژیما ئەسەدە.
حکوومەتا سووریێ رەد دکە فرۆکەیەکا وێ یا شەر ل ئدلبێ ژ ئالیێ گرووپێن چەکدار ڤە کەتبیتە خوارێ و رادگەھینیت، وان فرۆکەیەکا بێ فرۆکڤانا ترکیێ ئێخستیە خوارێ.
مەدیایا ئۆپۆزیسیۆنا سووریێ راگھاند، گرووپێن چەکداران ل دەردۆرا باژارۆکێ سەراقبێ فرۆکەیەکا شەرکەر یا رێژیما سووریێ ئێخستیە خوارێ.
لێ ئاژانسا فەرمی یا سووری “سانا” ئەو نووچە رەد کر و راگەھاند، ئەوا ل ئدلبێ کەتیە خوارێ فرۆکەیەکا بێ فرۆکڤانا ترکیێ یە و ژ ئالیێ وان ڤە ھاتیە ئێخستن، ژ بەر کو دەرباسی ئەسمانێ سووریێ بوویە.
ھەروھا راگھاند، ئەسمانێ ھەرێما باکورێ رۆژاڤایێ سووریێ ل پێش ھەر فرۆکەیەکێ ھاتیە گرتن، ھەر فرۆکەیەک دژمنان بکە وی ئەسمانی دێ وەرە خستن.
فرۆکەیا کەتی خوارێ ژ جورێ سیخۆ-٢٤یا رووسی یە.
