هاریكارێ سەرۆکێ مەجلسا ئیرانێ عەبدو ره‌زا مسری راگھاند کو 23 په‌رله‌مانتارێن ئیرانێ، تووشی ڤایرۆسا كۆرۆنا یا نوو (كۆڤید-19) بووینه و تێستێن وان پۆزه‌تیڤ ده‌ركه‌تینه.
ل گۆر نووچەیه‌كا تێلەڤیزیۆنا فه‌رمی یا دەولەتا ئیرانێ، ئه‌ڤرۆ رۆژا سێشه‌مبێ 3/3/2020ێ عەبدو ره‌زا مسری ل ته‌هرانا پایته‌خت داخۆیانیێ ل دۆر به‌لاڤه‌بوونا ڤایرۆسا كۆرۆنایێ ل كۆمارا ئیسلامییا ئیرانێ دان و راگهاند، ئه‌ڤ ڤایرۆسه ل جه‌م 23 په‌رله‌مانتارێن ئیرانێ ده‌ركه‌تییه.
مسری د ئاخفتنا خۆ دا وه‌ھا گۆت: «ھەتا نھا تێستا کۆرۆنایێ یا 23 په‌رله‌مانتاران پۆزه‌تیڤ دەرکەتییه».
ل گۆر داوی ئامار، هه‌تا نها پتری 2300 كه‌سان ل ئیرانێ و رۆژهلاتا كوردستانێ تووشی ڤایرۆسێ كۆرۆنایێ بووینه، 77 كه‌سان ژی جانێ خوه ژ ده‌ست دا یه، ئیران د رێزبه‌ندییا 4ێ دایه ل سه‌ر ئاستا جیهانێ د به‌لاڤبوونا ڤایرۆسا كۆرۆنایێ دا.
به‌ری نها هه‌ر یه‌ك ژ جێگرێ وه‌زیرێ ساخله‌مییا ئیرانێ، جێگرا سه‌رۆك كۆمار بۆ كاروبارێن ژنان، نوونه‌رێ باژارێ قومێ ل ئه‌نجوومه‌نا شوورایا ئیرانێ تووشی ڤایرۆسا كۆرۆنایێ ببوون، بالیۆزێ ئیرانێ یێ به‌رێ یێ ڤاتیكانێ ژی ب وێ ڤایرۆسێ جانێ خوه ژ ده‌ستدایه.
