رێبه‌رێ شۆرشا ئیسلامییا ئیرانێ، ئیرۆ بانگ ل گه‌لێ ئیرانێ كر ده‌ستێن خوه بشوون، وه‌ك رێیه‌كێ ژ بۆ به‌رهنگاربوونا ڤایرۆسا (كۆڤید-19).
ل گه‌ل زێده‌بوونا هه‌ژمارا تووشبوویێن ڤایرۆسا كۆرۆنا یا نوو (كۆڤید-19) ل ئیرانێ، ئیرۆ رۆژا سێشه‌می 3/3/2020ێ ئایته‌وللا عه‌لی خامنه‌یی، رێبه‌رێ شۆرشا ئیسلامییا ئیرانێ، بانگ ل گه‌لێ ولاتێ خوه كر كو ده‌ست و چاڤێن خوه بشوون و د ژینگه‌هه‌كا پاقژ دا بژین.
خامنه‌یی هه‌روه‌ها گۆت: «ژ بۆ به‌رهنگاربوون و رێگرتن ل زێده‌تر به‌ربه‌لاڤبوونا ڤایرۆسا كۆرۆنایێ، پێویسته گه‌لێ ئیرانێ رێنمایێن ساخله‌میێ ل به‌ر چاڤ بگرن و كار پێ بكه‌ن».
ل گۆر داتایێن فه‌رمی یێن ئیرانێ، هه‌تا نها پێتر ژ 2336 كه‌سان ب ڤایرۆسا كۆرۆنایێ تووش بووینه، 77 كه‌س هه‌تا نها جانێ خوه ژ ده‌ستداینه، ب رێژه‌یا مرنێ، ئیرانێ ب وه‌لاتێ دوێ پشتی چینێ دهێته هه‌ژمارتن.
