خه‌ته‌را داعشێ ل ڤێ ده‌ڤه‌رێ مایه‌

ل ناڤچەیەکا د ناڤبەرا کەرکووک و سەلاحەددینێ دا، ئەمیرەک و پێنج چەکدارێن داعشێ ھاتنە گرتن و ل مەخموور و گولالە ژی، چەکدارێن داعشێ 3 کەس کوشتن.

شانەیا راگەھاندنا جه‌نگی ل ئیراقێ بەلاڤکریە، سازییا دژە تیرۆرا ئیراقێ، ئەمیرەک و 5 چەکدارێن داعشێ ل ناڤچەیەکا د ناڤبەرا کەرکووک و سەلاحەدینێ دا دەستەسەر کرینە.

هەروەها ب سەدەما تەقینا دو بۆمبێن چاندی ژ لایێ تیرۆریستێن سەر ب داعشێ ڤە ژی، ل نێزیکی ھەردو باژارۆکێن عەبارە و گۆلالە ل باکورێ رۆژھەلاتێ دیالایێ، جۆتکارەک ھاتە کوشتن و ژنەک و زارۆیەک بریندار بوون.

ژ ئالییەکێ دی ڤە ل گوندێ خەرزە ل قەزا مەخموورێ، چەکدارێن داعشێ ب جلوبەرگێن سەربازی، 2 سڤیل کوشتن و ئێكێ دی ژی بریندار کر.

ئەڤ بۆ دەما چەندین مەهانە کو تەڤگەرێن رێکخراوا تیرۆریستی یا داعشێ ل ئیراقێ زێدە بووینە و جاران د بیته‌ ئه‌گه‌را کوشتن و بریندارکرن و رەڤاندنا گەلێ ئیراقێ.

د حەفتەیێن رابووری دا ژی گەنجەکێ کورد کو روونشتڤانێ گەرمیانێ بوو ژ ئالیێ داعشی ڤە هاتبوو دەستەسەرکرن و بەرانبەری 45 هەزار دولاران ئەڤ گەنجە سەربەست هات بەردان.

پوستێن ھەمان بەش