ب ڤیدیۆ – پۆلیسێن یۆنانێ كۆچبه‌ران دكوژن

ده‌ما چه‌ند رۆژانه‌ ولاتێ تركیێ سینۆرێ خوه‌ ژ بۆ ده‌رباسبوونا كۆچبه‌ران به‌ر ب ئه‌ورۆپایێ ڤه‌ ڤه‌كریه‌، لێ به‌لێ كۆچبه‌ر ل سینۆرێ یۆنانێ راستی ئێریشێن پۆلیسان دبن.

ب هه‌زاران كۆچبه‌رێن بێ ده‌ستوور كو پرانییا وان سووری نه،‌ نها ل سینۆرێ یۆنانێ ئاسێ مانه‌ ب هێڤییا وێ یه‌كێ رێ ژ بۆ بهێته‌ دایین ده‌رباس ببن، لێ به‌لێ یۆنان رێ ب وان ناده‌ سینۆرێن وێ ببه‌زینن و هه‌ژماره‌كه‌ ئێكجار مه‌زن یا پۆلیسان ل هێلا سینۆر به‌لاڤه‌ كرنه‌.

ئیرۆ رۆژا چارشه‌می 4/3/2020ێ پۆلیسێن یۆنانێ ته‌قه‌ ل هه‌ژماره‌كا كۆچبه‌ران كر وه‌ختا كو بزاڤ كرین ژ په‌رژانێ تێلبه‌ند كری ده‌رباس ببن، ب وێ سه‌ده‌مێ كۆچبه‌ره‌ك هات كوشتن و 5 بریندار كه‌تن.

ره‌جه‌ب ته‌یب ئه‌ردۆگان سه‌رۆك كۆمارێ تركیێ وه‌كه‌ كارڤه‌دان ل همبه‌ر بریارێن یه‌كێتییا ئه‌ورۆپایێ، ل داوییا حه‌فتییا رابووری ده‌ریێن سینۆر ل به‌رانبه‌ر كۆچبه‌ران ژ بۆ چوونا ئه‌ورۆپایێ ڤه‌كرنه‌، ئیرۆ ژی یه‌كێتییا ئه‌ورۆپایێ ئه‌و هه‌نگاڤا تركیێ شه‌رمه‌زار كر و راگهاند، ئه‌و نها لێكۆلینا دانا خه‌رجیێن كۆچبه‌ران ب تركیێ دكه‌ن.