پۆتین سه‌ره‌خوه‌شی ل ئه‌ردۆگان كر

سه‌رۆكێ رووسیا فه‌ده‌رال ئه‌ڤرۆ ل گه‌ل سه‌رۆككۆمارێ تركیێ كۆمبوو و یه‌كه‌م گۆتنا پۆتنی ژ بۆ ئه‌ردۆگان سه‌رخوه‌شی كرن بوو ژ بۆ كوشتنا سه‌ربازێن ترك ل سووریێ.

ئه‌ڤرۆ رۆژا پێنجشه‌مبێ، 5/3/2020ێ ره‌جه‌ب ته‌یب ئه‌ردۆگان، ب سه‌ره‌دانه‌كێ گه‌هشته‌ مۆسكۆ یا پایته‌ختا رووسیا و هه‌ر راست ل گه‌ل ڤلادیمێر پۆتین سه‌رۆكێ رووسیا كۆمبوو.

ڤلادیمێر پۆتین سه‌ره‌خوه‌شی ل ئه‌ردۆگان كر ژ بۆ كوشتنا ب ده‌هان سه‌ربازێن تركیێ ل سووریێ و ل ده‌ربارا ئدلبێ گۆت: «ره‌وش ل وێ پارێزگه‌هێ گه‌له‌ك ئالۆز بوویه»‌.

ژ ئالیێ خوه‌ڤه‌ ئه‌ردۆگان گۆت: «ئه‌و بریارێن كو دێ ب هه‌ماهه‌نگی ل گه‌لا ڤلادیمێر پۆتین هێنه‌ وه‌رگرتن، دێ د به‌رژه‌وه‌ندییا هه‌ردو ئالییان دا بن».

ئه‌ڤ سه‌ره‌دانا ئه‌ردۆگان ل ده‌مه‌كی دهێت كو نێزیكه‌ شه‌ر ل ناڤبه‌را هێزێن تركی و رووسی ل ده‌ردوورا ئدلبێ ده‌ست پێ بكه‌ت، هه‌ر چه‌نده‌ ئالیێ تركیێ ره‌ت كرییه‌ كو وان حه‌زا جه‌نگێ ل دژی رووسیێ هه‌بیت.