دەیڤید شنکر، جیگرێ وەزیرێ کارێن دەرڤە یێن ویلایەتێن یەکبوویی، رۆژا دوشەمبێ 9/3/2020 دگەل ئاشکرا کرنا ڤێ یەکێ کو ئیرانێ داخوازا ئەمەریکایێ ژ بۆ هاریكارییێ ل دژی ڤایرۆسا کۆرۆنایێ رەت کرییە، تەکەز کر کو پێدڤییه‌ ئیران ل جهێ کو پارێن خوە د مایتێكرنێن دەرەکی دا خەرج بکەت بلا وی پاره‌ی ل خۆشکرنا ژیانا گەلێ ئیرانێ دا خەرج بکەت.

ناڤبووری راگهاند کو ئیرانێ، چ ئامادەکاریێن پێشوەخت ژ بۆ بەرهنگاربوونا ڤایرۆسا کۆرۆنایێ ئەنجام نە داینە و ئیران، ئەمەریکایێ ب بەلاڤکرنا ڤایرۆسا کۆرۆنایێ د ناڤا خاکا خۆ دا سووچبار دکەت.

ئەڤی رایەدارێ ئەمەریکی گۆت: «خۆ ل بن دوورپێچێن ئابووری دا ئیران، دشێت دەرمانان بۆ خۆ بكریت و ئەمەریکا، ژ ئالیێ خوە ڤە داخوازا هاریكاریكرنێ پێشکێشی ئیرانێ كر، لێ بەلێ وان ئەڤ داخوازا مە رەت کر».

شنکر تەکەز کر: «ئیران پارێن زێدە ژ بۆ چەکداران خەرج دکەت، د دەمەکی دا کو باشترە ئیران، ڤی پاره‌ی د روو ب روو بوونا ڤایرۆسا کۆرۆنایێ دل خەرج بکەت».

جیگرێ وەزیرێ کارێن دەرڤە یێن ویلایەتێن یەک بوویی، راگهاند: «گەلێ ئەمەریکایێ، پالپشتییا گەلێ ئیرانێ دکه‌ن،  لێ بەلێ رۆحانی یی سەرۆک کۆمارێ ئیرانێ پێدڤییه‌ بزانیت کو ئیران دشێت بودجەیا پێدڤی ژ بۆ روو ب روو بوونا کۆرۆنایێ پەیدا بکەت، لێ بەلێ ئەو پارێ ئیرانییان ل جهێن وەک لوبنانێ خەرج دکه‌ن تاکو بشێن بودجەیا حزبوللا کو ئەولەهیا لوبنانێ تێکدایە گره‌نتی بکه‌ن، ئیران پشتەڤانیا دارایی یا میلیشیایێن چەکدار ل سووریێ، یەمەنێ و ئیراقێ دکەت».