كۆرۆنا گه‌هشته‌ توركیا

وه‌زیرێ ساخله‌مییا توركیا ئه‌ڤرۆ راگه‌هاند، ئه‌وان شیان نینن ره‌ت بكه‌ن كو ڤایرۆسا كۆرۆنایێ كۆڤید -19 ل وه‌لاتێ وان نینه‌، هه‌رچه‌نده‌ هه‌تا نها چ حاله‌ت نه‌هاتینه‌ تۆمار كرن.

فه‌خره‌ددین كۆجا وەزیرێ ساخله‌مییا توركیا دبێژیت: «ھەتا نھا ل توركیا ڤایرۆسا کۆرۆنا نەھاتییە تۆمار کرن، لێ ئەڤ ناهێته‌ وێ واتایێ کو ڤایرۆسا کۆرۆنایێ ل توركیا نینە. کۆجا دا زانین توركیا، پر زوو بەرگریێن خوە پێشئێخستن، لێ وەلاتێن ئەورۆپا دەرەنگ کەتن و ئه‌گه‌را بەلاڤبوونێ ژی ئەوە.

هه‌روه‌ها گۆت: “(ڤایرۆسا کۆرۆنایێ) ب ئیھتمالەکا مەزن نھا ل توركیا ژی ھەیە و نھا ئەم تەنێ دکارین ڤێ ببێژین، لێ هه‌تا نها ب ئاوایەکێ فەرمی ئەڤ ڤایروس ل توركیا نەھاتیە تەسبیتکرن.”

وەزیرێ ساخله‌مییا توركیا، دبێژیت: “ل سەر 2 ھەزار گومانلێکرییان لێکۆلین ھات کرن و تێستێن چ کەسەکی پۆزیتیف دەرنەکەتن، د ڤێ چارچۆڤەیێ دا، دڤێت ئەم مەھا ل پێشیا مە جوداتر دەرباس بکه‌ین.

دیار كر، دڤێت تەماسێ کێم بکه‌ین، چه‌ند ژ دەست بهێت نەچین دەرڤه‌ی وەلاتی، پتر مالێن خوە كۆنترۆل بکه‌ین.

وه‌زیری توركیا ده‌ست نیشان كر كو ئه‌و وه‌ها هزر دكه‌ین كو هه‌رچه‌نده‌ ڤایرۆسا كۆرۆنایێ هێشتا ل ده‌ڤ مه‌ دیار نه‌بوویه‌، لێ ئه‌ڤه‌ ناهێته‌ وێ واتایێ كو ل توركیا نینه‌.